Bütün xəbərlər
"Hegseth": Dəniz piyadaları etirazları yatırmaq üçün Los-Ancelesə göndərilə bilər
Tarix: 08-06-2025 11:08 | Bölmə: Dünya

ABŞ-ın müdafiə naziri Pit Heqset davam edən etirazlar fonunda Los-Ancelesdə asayişi bərpa etmək üçün dəniz piyadalarından istifadə imkanını istisna etməyib.

Sabaha-inamla.az rus mətbuatına istinadən xəbər verir ki, iğtişaşlara səbəb qeyri-qanuni mühacirlərin müəyyən edilməsi üçün keçirilən reyd olub.Nazirin X sosial şəbəkəsindəki hesabında qeyd etdiyi kimi, ABŞ Müdafiə Nazirliyi Los-Ancelesdə hüquq-mühafizə orqanlarına dəstək üçün dərhal Milli Qvardiyanı səfərbər edir. Artıq şəhərə Milli Qvardiyanın 2 min əsgəri göndərilib.
"İğtişaşlar davam edərsə, Camp Pendleton-da yerləşən Dəniz Piyadaları Korpusunun fəal heyəti də səfərbər ediləcək - onlar yüksək hazırlıq vəziyyətinə gətirilib", - nəşr yazır.
Bundan əvvəl Ağ Ev rəhbərinin müavini Stiven Miller qeyri-qanuni mühacirlərin deportasiyasına qarşı etirazların iğtişaş şəklini aldığını, etirazçıların ABŞ İmmiqrasiya və Gömrük Mühafizə Xidmətinin əməkdaşlarına daş və fişənglər atdığını təsdiqləyib.



Baxış sayı: 120


Bölməyə aid digər xəbərlər