Bazar günü, 20 iyul 2025, 23:51:08  
Son xəbərlər:
Bütün xəbərlər
Starmer İngiltərənin müharibəyə hazırlığının başladığını elan etdi
Tarix: 02-06-2025 15:29 | Bölmə: Dünya

Böyük Britaniya silahlı qüvvələrin hərbi əməliyyatlar keçirməyə hazır olmasını təmin etmək üçün müdafiə sektoruna investisiyaları artırır.

Sabaha-inamla.az rus mətbuatına istinadən xəbər verir ki, bu barədə ölkənin baş naziri Key Starmer məlumat verib.
Onun sözlərinə görə, Avropada artan gərginlik fonunda Britaniya ordusunun əsas məqsədi daimi döyüş hazırlığına keçiddir.
Starmer Qlazqoda "Sky News" kanalı tərəfindən yayımlanan mətbuat konfransında deyib: "Biz hərbi əməliyyatlara hazırlıq vəziyyətinə keçirik, bu, silahlı qüvvələrimizin əsas məqsədi olacaq".
Onun sözlərinə görə, Böyük Britaniyanın təhlükəsizliyi Şimali Atlantika Alyansındakı müttəfiqləri ilə əməkdaşlıq əsasında qurulacaq. Baş nazir qeyd edib ki, NATO ölkənin “strateji gücünün əsas mənbəyidir”.
Bundan əlavə, Starmer bildirib ki, ölkə silahlı qüvvələrdə “müharibə sürəti ilə” yeniliklər tətbiq etmək istəyir. Onun sözlərinə görə, Britaniya qoşunları "2035-ci ilə qədər on qat daha ölümcül olmaq" niyyətindədir.
Bundan əvvəl “The Times” qəzeti Britaniyanın ABŞ-la taktiki nüvə silahı atmağa qadir olan qırıcı təyyarələrin alınması ilə bağlı danışıqlar apardığını yazıb.



Baxış sayı: 134


Bölməyə aid digər xəbərlər