“Baykar” Ukraynaya 3 ədəd “Bayraktar” bağışladı
Tarix: 28-06-2022 01:47 | Bölmə: Dünya

                      “Baykar” Ukraynaya 3 ədəd “Bayraktar” bağışladı



Türkiyənin "Baykar" şirkəti tərəfindən 3 ədəd "Bayraktar TB2 S/PUA" Ukrayna xalqına hədiyyə edilib.
"Qafqazinfo" xəbər verir ki, bu barədə şirkətin mətbuat xidmətinin məlumatında deyilir. 
“Ukrayna xalqının vətənini müdafiə etmək üçün "Bayraktar TB2 S/PUA" almaq məqsədilə “Xalq Bayraktarı” adı ilə təşkil edilən ianə kampaniyası çox qısa müddətdə uğurla başa çatıb. İctimai xadimlər, jurnalistlər, sənətçilər, futbolçular, iş adamları, sadə insanlar, hətta uşaqlar da bu kampaniyanın uğurlu keçməsi üçün böyük və ya kiçik ianə edərək ölkələrinə dəstək oldular.
"Baykar" olaraq toplanan ianələrlə alınması nəzərdə tutulan 3 ədəd "Bayraktar TB2 S/PUA"nı heç bir ödəniş etmədən Ukraynaya bağışlayırıq. Bu məqsəd üçün toplanan bütün ianələrin Ukrayna xalqının xeyrinə istifadə olunmasını xahiş edirik", - deyə məlumatda qeyd olunur. 






Baxış sayı: 73


Bölməyə aid digər xəbərlər