Şinzo Abenin qardaşı Müdafiə naziri olacaq
Tarix: 15-09-2020 14:49 | Bölmə: Dünya

                 Şinzo Abenin qardaşı Müdafiə naziri olacaq


Yaponiyada 16 sentyabrda hakim Liberal Demokratik Partiyasının yeni sədri Yoşihide Suqanın ölkənin yeni Baş Naziri seçilməsi ilə Müdafiə naziri Taro Kono hökumətdəki dəyişikliklər zamanı vəzifəsini tərk edəcək.
“Qafqazinfo” “Kyodo” agentliyinə istinadən xəbər verir ki, daha əvvəl ölkənin xarici siyasət idarəsinə rəhbərlik etmiş Kono Müdafiə naziri vəzifəsindən İnzibati İşlər və Rabitə naziri vəzifəsinə gətiriləcək.
Yeni Müdafiə naziri, öz növbəsində, əvvəllər ölkənin Xarici İşlər nazirinin müavini olmuş, Şinzo Abenin kiçik qardaşı Nobuo Kişi olacaq.
Qeyd edək ki, daha əvvəl “Kyodo” agentliyi Xarici İşlər naziri Toşimitsu Moteqi, Maliyyə naziri Taro Aso, Dövlət Torpaqları, İnfrastruktur, Nəqliyyat və Turizm naziri Kazuyoşi Akaba və Olimpiya və Paralimpiya naziri Seiko Haşimotonun yeni Suqi hökumətindəki vəzifələrini qoruyacaqlarını bildirmişdi.
Xatırladaq ki, Yaponiyanın keçmiş Baş Naziri Şinzo Abe avqustun 28-də uzun müddət davam edən xəstəliyinin ağırlaşması səbəbindən istefa verdiyini açıqlamışdı.


Baxış sayı: 50


Bölməyə aid digər xəbərlər