16:11 / 26-09-2020
Yoluxanların sayı artdı
Sumqayıtda könüllü gənclərin Bowling yarışı keçirildi
Tarix: 11-02-2020 23:51 | Bölmə: Digər
Sumqayıt şəhər Gənclər və İdman Baş İdarəsi tərəfindən şəhərin müxtəlif sahələrini təmsil edən gənc könüllülər arasında Bowling yarışı təşkil edilib.
Tədbiri giriş sözü ilə açan Baş İdarənin rəisi Elgün Hümbətov iştirakçıları salamlayaraq, ölkə və şəhər rəhbərliyi tərəfindən gənc nəslə göstərilən diqqət və qayğıdan, respublikada dövlət gənclər siyasətinin uğurlu inkişafından, şəhərimizin son illər ərzində əsaslı yenidənqurma və abadlıq işlərinin aparılması nəticəsində xüsusi zövq oxşayan görkəm qazanmasından danışmışdır. Qeyd olundu ki, yarışın keçirilməsində məqsəd “Azərbaycan gəncliyi 2017 – 2021-ci illərdə” Dövlət Proqramından, ölkə başçısı İlham Əliyevin Azərbaycan Respublikasında 2020-ci ilin “Könüllülər ili” elan edilməsi haqqında 30 dekabr 2019-cu il tarixli Sərəncamından irəli gələn vəzifələrin icra edilməsi, gənclərin hərtərəfli inkişafına nail olunması, sağlamlıqlarının möhkəmləndirilməsi, sağlam həyat tərzinin fоrmalaşdırılması, sağlam rəqabət mühitinin yaradılması və asudə vaxtlarının səmərəli təşkilidir.
Yarışda ümumilikdə 6 komanda və hər komandadan 5 nəfər olmaqla 30 gənc qalib adı uğrunda mübarizə aparmışdır.
Gərgin keçən yarışmanın yekun nəticəsinə əsasən I yerə Sumqayıt şəhər 1 nömrəli Peşə liseyinin “Zirvə 1”, II yerə Sumqayıt şəhər 10 nömrəli Peşə liseyinin “Peşəkarlar”, III yerə isə Sumqayıt Gənclər Klubunun “Zirvə” adlı komandaları layiq görülüb.
Qalib komandalar Baş İdarənin kubok, medal, fəxri fərman və hədiyyələri ilə təltif edilmişdir.
Sabaha-inamla.Az







Baxış sayı: 212


Bölməyə aid digər xəbərlər