Bütün xəbərlər
Sankt-Peterburqda naməlum şəxslər bir oğlanı döyüb və ona yanan fişəng atıblar
Tarix: 07-05-2025 15:28 | Bölmə: Cəmiyyət

Sankt-Peterburqda üç naməlum şəxs 19 yaşlı yeniyetməni döyüb və ona yanan fişəng atıb.

Sabaha-inamla.az rus mətbuatına istinadən xəbər verir ki, Rusiya Daxili İşlər Nazirliyinin şəhər və Leninqrad vilayəti üzrə Baş İdarəsinin məlumatına görə, gəncin başında xəsarətlər və yanıqlar var.
Hadisə mayın 6-da axşam saatlarında Torjkovskaya küçəsində, 5 saylı evin yaxınlığında, kompüter klubunun yanında baş verib. Münaqişənin şahidləri polisə müraciət ediblər. Hüquq-mühafizə orqanlarının əməkdaşları hadisə yerinə gələndə hücum edənlər artıq qaçıblar.
"Zərərçəkmiş xəstəxanaya yerləşdirilib, vəziyyəti qənaətbəxşdir", - idarənin Telegram kanalında yayılan məlumatda deyilir.
Hadisəni törədənlər axtarılır. Faktla bağlı araşdırma aparılır. Cinayət işinin başlanması məsələsi həll edilir.



Baxış sayı: 43


Bölməyə aid digər xəbərlər