Bütün xəbərlər
Klubun ortağı 24 il əvvəl qətl törətdiyinə görə saxlanılıb
Tarix: 23-02-2024 23:19 | Bölmə: Cəmiyyət

Hüquq-mühafizə orqanlarının əməkdaşları Sankt-Peterburqda 2000-ci ildə sifarişli qətldə iştirakda ittiham olunan 53 yaşlı iş adamını saxlayıblar.
Sabaha-inamla.az rus mətbuatına istinadən xəbər verir ki, bu barədə Daxili İşlər Nazirliyinin regional Baş İdarəsi məlumat yayıb.
İstintaqın məlumatına görə, 2000-ci il yanvarın 26-da Sirenevy bulvarında yerləşən yataqxananın zalında qətlə yetirilmiş 24 yaşlı gənc, habelə güllə yaraları olan şahid tapılıb. Faktla bağlı Vıborq rayon prokurorluğu cinayət işi açıb.
İstintaq zamanı əməliyyatçılar qonşu ölkələrdən birində əsilli 53 yaşlı Moskva vilayəti sakinini və onun dostunu aşkar ediblər. Ötən gün hər iki təqsirləndirilən şəxs saxlanılıb.
İstintaq hesab edir ki, iş adamı şəxsi düşmənçilik fonunda cinayət planı hazırlayıb və cinayətkarı tapıb. Qətldən sonra o, izlərini gizlətmək və alibi təqdim etmək üçün tanışına müraciət edib.
Yerli KİV-in məlumatına görə, saxlanılanlar arasında Qriboedov gecə klubunun təsisçisi Oleq Kastelo da var. 2000-ci ildə onun mühafizəçisi Sergey Maksimov öldürülüb.



Baxış sayı: 65


Bölməyə aid digər xəbərlər