Füzuli şəhərinin işğaldan azad olunmasından 1 il ötür
Tarix: 19-10-2021 03:02 | Bölmə: Sosial


Prezident İlham Əliyev və birinci xanım Mehriban Əliyeva işğaldan azad edilən Füzuli rayonuna səfər ediblər. 1993-cü ilin 23 avqustu. Bir vaxtlar bu tarix Azərbaycanın dilbər guşələrindən olan Füzuli rayonunun işğal günü kimi qeyd olunurdu. Artıq həmin günlər geridə qaldı. 27 ildən sonra Müzəffər Ali Baş Komandan İlham Əliyevin rəhbərliyi ilə rəşadətli Ordumuz Vətən müharibəsində yeni tarix yazdı. 44 günlük Zəfər yürüşündə hər gün qələbə xəbərləri gəlirdi. Prezident İlham Əliyev bu xoş xəbərlərdən birini də 2020-ci il oktyabrın 17-də xalqa çatdırdı. 2020-ci ilin 17 oktyabrı. Füzuli şəhərinin Ermənistan Silahlı Qüvvələrinin işğalından azad edildiyi gündür. Vaxt gələcək Füzuli əməliyyatı hərbi kitablara daxil ediləcək. 17 oktyabr tarixi isə nəinki füzulililərin xatirəsində, Azərbaycan dövlətinin tarixində əbədi qalacaq. Əslən Füzuli rayonundan olan Vətəndaş Cəmiyyətinin fəal üzvləri Mina Qurbanlarının Sosial-İqtisadi Problemlərinin Həllinə Kömək İctimai Birliyin sədri Məmmədhəsən Həsənov, İnkişaf və Rifah Naminə İctimai Birliyin sədri Zəminə Səfərovanın təşkilatçılıqları ilə Şəhidlər Xiyabanında baş tutan toplantıda Füzuli rayon ictimiyyəti və qazilər iştirak etdilər.Şəhidlərin məzarları başında onların döyüş yoldaşları,yaxınları çıxış etdilər,onların ruhuna dualar oxudular. Allah cəmi şəhidlərimizə rəhmət eləsin!Onların ruhu qarşısında baş əyirik! Bir yaşın mübarək doğma Füzulim. Sən azadsan! Sən xöşbəxtsən! Sənin güclü Liderin, güclü Ordun var! #YaşasınAzərbaycan! #Qarabağazərbaycandır! #Füzulisənazadsan!
Sabaha-inamla.az














Baxış sayı: 173


Bölməyə aid digər xəbərlər
25-11-2021, 14:12 AMEA-da yeni təyinatlar