22:59 / 15-04-2024
Məsciddə yanğın törədib
Bütün xəbərlər
Nebenzya: "ABŞ Qəzza zolağında baş verənlərə nəzarəti getdikcə itirir"
Tarix: 22-02-2024 20:50 | Bölmə: Siyasət

Rusiyanın təşkilatdakı daimi nümayəndəsi Vasili Nebenzya bildirib ki, Birləşmiş Ştatlar Qəzza zolağındakı vəziyyətə nəzarəti getdikcə daha çox itirir, xüsusən də onun BMT Təhlükəsizlik Şurasındakı hərəkətlərini nəzərə alsaq.
Sabaha-inamla.az rus mətbuatına istinadən xəbər verir ki, onun sözlərinə görə, Birləşmiş Ştatlar bununla da Fələstin mülki əhalisinə qarşı təcavüzün davam etdirilməsinə “yaşıl işıq yandırır”.
“Həmkarlar, dəfələrlə Təhlükəsizlik Şurasının qərarlarını əngəlləməklə və hətta onu diplomatiyanıza mane olmamağa çağırmaqla, siz özünüzə pis xidmət edirsiniz”, - Rusiya nümayəndəsi Amerika tərəfinə müraciət edib.
Nebenzya qeyd edib ki, Birləşmiş Ştatların Təhlükəsizlik Şurasındakı bu cür “sərt başlı mövqeyi” zorakılığın Qəzza zolağından kənarda bütün Yaxın Şərqə yayılmasına səbəb olub.
"Biz bunun nəticələrini Suriya, Livan, İraq və Yəməndə görürük. Fələstinlilərə rəğbət təbii olaraq Yaxın Şərqi qızışdırıb" - deyə, TASS Rusiyanın daimi nümayəndəsindən sitat gətirib: "Eyni zamanda, Qərb ölkələri adekvat siyasi həll yolu tapmaq əvəzinə, , ənənəvi olaraq narazıları bombalamağa çalışırlar”.
Onun sözlərinə görə, Anglo-Sakson koalisiyasının suveren Yaxın Şərq ölkələrinə qarşı güc tətbiq etməsi birbaşa beynəlxalq sülhə təhlükə yaradır və beynəlxalq hüququn üstünlüyünə əsaslanan dünya nizamını pozur.
Fələstin-İsrail münaqişəsinin növbəti gərginləşməsindən sonra Yəmən husiləri İsraillə əlaqəli gəmilərin Qırmızı dəniz sularından keçməsinə icazə verməyəcəklərini açıqlayıblar. Onlar gəmilərə hücum etməyə başladılar. Belə ki, fevralın 20-də husilər Britaniyaya məxsus yük gəmisini batırıb. ABŞ və Böyük Britaniya onların hücumlarına Yəməndəki hədəflərə hava zərbələri ilə cavab verib.


Baxış sayı: 74


Bölməyə aid digər xəbərlər