17:38 / 16-07-2024
Təbiət Abidələri Ağaclar
Bütün xəbərlər
Putin Səudiyyə şahzadəsi ilə əməkdaşlıq və neft bazarı məsələlərini müzakirə edib
Tarix: 07-06-2023 23:58 | Bölmə: Siyasət

Rusiya prezidenti Vladimir Putin və Səudiyyə Ərəbistanının vəliəhdi Məhəmməd bin Salman Əl Səud dövlətlərarası əməkdaşlığın aktual məsələlərini, eləcə də qlobal enerji bazarında sabitliyin təmin edilməsini müzakirə ediblər. Kremlin mətbuat xidməti xəbər verir ki, telefon danışığı iyunun 7-də axşam baş tutub.
Sabaha-inamla.az rus mətbuatına istinadən xəbər verir ki, söhbət zamanı Rusiya Federasiyası ilə Səudiyyə Ərəbistanı arasında ticari-iqtisadi əlaqələrin daha da inkişaf etdirilməsi üçün zəruri tədbirlər, o cümlədən müxtəlif sahələrdə perspektivli birgə layihələrin həyata keçirilməsi müzakirə olunub.
Rusiya lideri və Səudiyyə şahzadəsi OPEC Plus çərçivəsində əməkdaşlığın səviyyəsini yüksək qiymətləndiriblər ki, bu da neftə tələb və təklif arasında tarazlığın qorunması üçün effektiv addımlar atmağa imkan verir. Həmsöhbətlər nazirlərin Ər-Riyadda bu yaxınlarda keçirilən görüşündə bu məsələ ilə bağlı əldə olunmuş razılaşmaların əhəmiyyətini qeyd ediblər.
Söhbət zamanı digər çoxtərəfli təşkilatlar vasitəsilə Rusiya-Səudiyyə əməkdaşlığının müxtəlif aspektlərinə də toxunulub. Tərəflər müxtəlif səviyyələrdə təmasları davam etdirmək barədə razılığa gəliblər.
Rusiya prezidenti ilə Səudiyyə Ərəbistanının vəliəhdi arasında əvvəlki telefon danışığı aprelin 21-də olub.


Baxış sayı: 126


Bölməyə aid digər xəbərlər