Bütün xəbərlər
Altı ölkə Avropa Şurasının Ukraynaya dəyən zərərin reyestrinə dair bəyannaməsini imzalamayıb
Tarix: 17-05-2023 23:58 | Bölmə: Siyasət


Avropa Şurasının (AŞ) Reykyavikdə keçirilən sammitində altı ölkə Ukraynaya dəyən zərərin reyestrinin yaradılması ilə bağlı bəyannamə imzalamayıb.

Sabaha-inamla.az rus mətbuatına istinadən xəbər verir ki, bu barədə Ukrayna ədliyyə nazirinin müavini İrina Mudraya Facebook sosial şəbəkəsindəki səhifəsində məlumat verib (Rusiya Federasiyasında sosial şəbəkənin fəaliyyəti qadağandır). İmtina edənlər arasında Azərbaycan, Ermənistan, Bosniya və Herseqovina, Macarıstan, Serbiya və Türkiyə də var.
Reykyavikdə Avropa Şurasının dövlət və hökumət başçılarının sammitində 43 ölkə və Avropa İttifaqı arasında dəymiş ziyanın reyestrinə dair saziş imzalanıb. Azərbaycan, Ermənistan, Bosniya, Macarıstan, Serbiya, Türkiyə imza atmayıb, - Mudraya bildirib.
O, həmçinin əlavə edib ki, üç ölkə - Andorra, Bolqarıstan və İsveçrə reyestrə qoşulmağa hazır olduqlarını bildiriblər və bunun üçün "daxili prosedurlardan" keçirlər.
Öz növbəsində, Niderlandın xarici işlər naziri Vopke Hoekstra bildirib ki, Avropa Şurası hərbi əməliyyatlar zamanı Ukraynaya dəymiş zərərin reyestrinin yaradılmasını rəsmən təsdiqləyib. Diplomat qeyd edib ki, reyestr Haaqada yerləşəcək, o, Kiyevlə sıx əməkdaşlıqda yaradılır və dəymiş ziyanla bağlı “ərizələri qəbul edəcək, emal edəcək və saxlayacaq”.
Bundan əvvəl Avropa Parlamentinin deputatları Rusiya prezidenti Vladimir Putin və onun belaruslu həmkarı Aleksandr Lukaşenkoya qarşı araşdırmaların aparılacağı xüsusi tribunalın yaradılmasına səs veriblər. Parlamentarilər həmçinin Rusiya Federasiyasının aktivlərinin “Kiyevə təzminat üçün” istifadəsi haqqında qərar qəbul ediblər.



Baxış sayı: 122


Bölməyə aid digər xəbərlər