Nensi nənənin İrəvan səfəri: Ermənistan "meyvə"sini dərəcək...-Əkbər QOŞALI
Tarix: 18-09-2022 23:40 | Bölmə: Siyasət



Nensi Pelosinin İrəvana səfərini kiçiltmək lazım olmadığı kimi, böyütmək də lazım deyil. Ağbirçək Pelosi Paşinyan hakimiyyətinə dəstək verə, müxaliflərə qarşı gücləndirə bilər, ancaq Ermənistanı gücləndirə bilməyəcək. Ərazisində
ABŞ-ın, yaxın müttəfiqlərinin faktiki düşmən bildiyi Rusiyanın hərbi bazası varkən, Ermənistan "Rus NATO"su KTMT-nin üzvüykən, ABŞ Ermənistanı bağrına basa biləcəkmi?..
Yaxud Nensi nənə seçimiöncəsi xal qazanmış ola bilər, ancaq bunların heç biri bizimçün fövqəladə hadisə olmayacaq. Daha zor günlər görmüş, bəlli Azadlığı Müdafiə Aktına bədnam 907-ci düzəlişlə üzləşmiş, işğala məruz qala-qala işgalçı ilə bərabər tutulmuş bizlər ABŞ-ın hər üzünə (üzsüzlüyünə) bələdik. Biz ABŞ-ı da, onun bekara "Minsk Qrupu"ndakı həmsədr "həmkar"larını da bilirik, tanıyırıq. Və bütün mürəkkəbliklərə baxmayaraq, mümkünsüz kimi görünəni mümkün etməyi - 44 gün içində arxalı köpəyi sıradan çıxarmağı bacarmışıq.
Beləliklə, çox keçməz, erməni cəmiyyəti uzaqlardan mədəd ummağın aqibətini görər. Erməni hərbi-siyasi rəhbərliyi iki stulda eyni vaxtda oturmağa yox, birüzlü (etibarlı) siyasət yürüdərək Azərbaycanla, Türkiyə ilə (adambalası kimi) dil tapmağa çalışmalıdır. Azərbaycanın irəli sürdüyü 5 prinsip əsasında, Brussel Sülh Gündəliyinə, 10 noyabr Üçtərəfli Bəyanatına sadiq qalmalıdır. Başqa yolu yox artıq!
Dəmir Yumruq Yerindədir! - Bunu bilməmiş deyillər, məncə.
DÖVLƏTİMİZ ZAVAL GÖRMƏSİN!
Əkbər QOŞALI


Baxış sayı: 73


Bölməyə aid digər xəbərlər