Bütün xəbərlər
Ümummilli Lider Heydər Əliyevin anadan olmasının 100 illik yubileyinə həsr olunmuş kross üzrə şəhər turnirinə yekun vuruldu
Tarix: 09-05-2023 00:12 | Bölmə: Reportaj


“Sumqayıt Bulvarı”nda Sumqayıt şəhər Gənclər və İdman Baş İdarəsinin və “Azərikimiya” İstehsalat Birliyinin birgə təşkilatçılığı iləÜmummilli Lider Heydər Əliyevin anadan olmasının 100 illik yubileyinə həsr olunmuş kross idman növü üzrə idarə, müəssisə və təşkilatlar arasında şəhər turniri təşkil olunub.
Bu barədə Sabaha-inamla.az-a Sumqayıt şəhər Gənclər və İdman Baş İdarəsindən məlumat veriblər.
Bildirilib ki, müəyyən olunmuş marşurut üzrə kross yarışında 150-dən artıq həvəskar idmançı  iştirak edib.
Tədbirin açılış mərasimində çıxış edən Sumqayıt şəhər icra Hakimiyyəti başçısının birinci müavini Teymur Səmədov, Yap Sumqayıt şəhər Təşkilatının sədri Ramiz Hüseynov və Azərkimya İstehsalat Birliyinin Mətbuat katibi Rafiq Oday ölkədə Ümummilli Lider Heydər Əliyevin anadan olmasının 100 illik yubileyinin qeyd edilməsindən, Azərbaycanın müstəqillik qazandığı ilk illərdə Ulu Öndər Heydər Əliyevin təməlini qoyduğu idman siyasətinin uğurundan, ölkəmizə hələ birinci rəhbərliyi dövründə digər sahələrdə olduğu kimi, idmanın inkişafına göstərdiyi böyük qayğıdan, Ulu Öndərin milli maraqlara əsaslanmaqla həyata keçirdiyi çoxşaxəli siyasi strategiyasının Prezident İlham Əliyev tərəfindən inamla davam etdirilməsindən bəhs ediblər.
Maraqlı və gərgin idman mübarizəsi şəraitində keçən yarışda kişilər arasında Şahin Səfixanov birinci, Samir Cavadov ikinci, İsmət Əzimzadə  isə üçüncü yerə layiq görülüb.
Qadınlar arasında Tünzalə Süleymanova, Zeynəb Quliyeva və Nəzrin Həsənzadə isə müvafiq olaraq I-II-III-cü yerləri tutublar.
Yarışda fəal iştiraklarına görə
IV-VI yerləri tutan idmançılar fəxri fərmanla mükafatlandırılıb və xatirə şəkili çəkdirilib.
Sabaha-inamla.az















Baxış sayı: 326


Bölməyə aid digər xəbərlər