Bütün xəbərlər
Sumqayıtda şəhid leytenantın doğum günü qeyd olundu
Tarix: 20-05-2022 23:11 | Bölmə: Reportaj


   Sumqayıtda şəhidlik zirvəsunə ucalmış şəhid leytenant Vüsal Muradovun doğum günü keçirilib.


                      
     Əvvəlcə Şəhid ailələri, qazilər, ictimayyət nümayəndələri,jurnalistlər, ziyalılar, Müdafiə Nazirliyinin zabitləri, şəhidin oxuduğu  Sumqayıt 5,25 nömrəli məktəblərin rəhbər şəxsləri, kollektivləri, Sumqayıtda fəaliyyət


göstərən Ağdam məktəbinin rəhbər şəxsləri, Sumqayıt və Ağdan rayon İcra Hakimiyyətlərinin nümayəndələri şəhidin məzrını ziyarət ediblər. Şəhdidin məzarına gül dəstələri qoyublar, məktəblilər Azərbaycan şairlərinin vətənpərvər ruhlu şeirlərini söyləyiblər.

                     
    Sonra Sumqayıt şəhər Əli Kərim adına Poeziya Evində  Sumqayıt Regional Mədəniyyət İdarəsinin təşkilatçılığı ilə şəhid Vüsal Muradovun doğum gününə  həsr olunmuş tədbir olub.
   Şəhidə həsr olunmuş videoçarx nümayiş etdirilib. Dövlət himni səslənib. Şəhidlərin xatirəsi bir dəqiqəlik sükutla yad olunub.

                   
    Tədbirdə şəhid Abdulməcid Axundovun anası Ceyran Axundova çıxış edərək 44 günlük müharibədə qəhrəmanlarımızın qələbəsindən danışıb.
Sonra Müdafiə Nazirliyinin zabitləri Elvin Dadaşov, Fikrət Quliyev, Bəxtiyar Mürsəlov, Əsgər Şirəliyev şəhid haqqında ürək sözlərini deyiblər.
Nümaiş etdirilən ədəbi bədii kompazisiya tədbir iştirakçılarıana kədərli anla r yaşadıb. Müğənnilərin və məktəblilərin ifasinda musiqi və rəqs nömrələri səslənib.

                      
    Tədbirdə şəhidin anası Kəmalə Muradovaya Qafqaz-Media İctimai Birliyinin sədri Hacıxanım Azadə Taleh Abbasqızı tərəfindən "Xarı bülbül" Fəxri fərmanı təqdim edilib. Və Azadə xanım şəhidə həsr etdiyi şeirini oxuyub.
XeberTıme.Az saytının rəhbəri  Yeganə Telmanqızı və digər şəxslər də Kəmalə xanıma öz Fəxri fərmanlarını, hədiyyələrini təqdim ediblər. 

                     

 Vüsal Cəsarət oğlu Muradov 1999-cu il mayın 19-da Sumqayıt şəhərində anadan olub.Əslən Ağdam rayonunun Qasımbəyli kəndindən idi. 2017-ci ildən Heydər Əliyev adına Azərbaycan Ali Hərbi Məktəbində (AAHM) təhsil alırdı. IV sinif Kursantı idi. 2020-ci ilin sentyabrda Vətən müharibəsinin başlaması ilə bağlı "kiçik leytenant" rütbəsi ilə müharibəyə yollandı.

                     

Azərbaycan Ordusunun kiçik leytenantı olan Vüsal Muradov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Xocavəndin azadlığı uğrunda gedən döyüşlərdə savaşıb. Vüsal Muradov oktyabrın 29-da Xocavənd döyüşləri zamanı şəhid olub. Sumqayıt şəhərinin Şəhidlər Xiyabanında dəfn olunub.

                      
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların

                      
                      
icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Vüsal Muradov ölümündən sonra "Vətən uğrunda" medalı ilə təltif edildi.

                    
Azərbaycan ərazilərinin işğaldan azad olunması zamanı döyüş tapşırıqlarını uğurla yerinə yetirdiyinə, düşmənin əsas qruplaşmalarının məhv edilməsi ilə qoşunların döyüş qabiliyyətinin qorunub saxlanılmasında fərqləndiyinə görə Azərbaycan Prezidenti İlham Əliyevin 18.12.2020-ci il tarixli Sərəncamına əsasən Vüsal Muradov ölümündən sonra "Cəsur döyüşçü" medalı ilə təltif edildi.

                   
Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Vüsal Muradov ölümündən sonra "Xocavəndin azad olunmasına görə" medalı ilə təltif edildi.
Namiq MƏMMƏDLİ
Sabaha-inamla.az
https://www.facebook.com/namiq.memmedli.9/videos/670188027410769
https://www.facebook.com/namiq.memmedli.9/videos/687833659175905
https://www.facebook.com/namiq.memmedli.9/videos/746427716551231
https://www.facebook.com/namiq.memmedli.9/videos/5085138701571210





























Baxış sayı: 780


Bölməyə aid digər xəbərlər