17:38 / 16-07-2024
Təbiət Abidələri Ağaclar
Bütün xəbərlər
Xarici İşlər Nazirliyi: Rusiya Federasiyası, İran və Çinin dəniz təlimləri heç kim üçün təhlükə yaratmır
Tarix: 07-02-2024 20:51 | Bölmə: Manşet

Mart ayında İran, Rusiya və Çin tərəfindən birgə hərbi dəniz təlimləri keçiriləcək.
Sabaha-inamla.az rus mətbuatına istinadən xəbər verir ki, onlar heç kimə təhlükə törətmir və Yaxın Şərqdə sabitliyi pozmaq məqsədi daşımırlar.
Bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib. Rusiyalı diplomat vurğulayıb ki, təlimlərdə konkret tapşırıqlar və tərəfdaşlar arasında qarşılıqlı fəaliyyət planları işlənib hazırlanacaq. İran Hərbi Dəniz Qüvvələrinin komandanı Şəhram İrani martın 19-na planlaşdırılan dəniz manevrləri barədə danışıb.
Rusiya, Çin və İran 2019-cu ilin sonundan birgə dəniz təlimləri keçirir. “Dəniz təhlükəsizlik kəməri - 2023” üçtərəfli təlimi ötən il martın 16-dan 17-dək Ərəbistan dənizində İranın Çahbehar limanı yaxınlığında baş tutub. Hərbi gəmilərin millətlərarası dəstəsi müxtəlif birləşmələrdə və döyüş əmrlərində birgə taktiki manevrlər keçirib. Gündüzlər dəniz hədəflərinə atəş, gecələr isə hava hədəflərini vurmaq məşq edilib. Üç ölkə dənizdə qəza vəziyyətində olan gəmiyə yardım etmək və girovları olan gəmini azad etmək üçün də təlim keçirib. Rusiya Hərbi Dəniz Qüvvələri təlimlərdə Şimal Donanmasının gəmiləri ilə təmsil olunub.


Baxış sayı: 64


Bölməyə aid digər xəbərlər