Bütün xəbərlər
Heydər Əliyevin diqqətindən istedadlı insanlar yayınmazdı-NAMIQ MƏMMƏDLİ
Tarix: 03-09-2022 21:00 | Bölmə: Gündəm


     Heydər Əliyev çox diqqətli insan idi. Onun diqqətindən istedadlı,zəhmətkeş insanlar yayınmazdı. Uzun illər bundan qabaq-Sovet dövründə onun Razin zəhmətkeşləri ilə görüşü olmuşdu. Həmin görüşdə mənim maliyyə-kredit texnikumunda oxuyan xalam çıxış etmişdi. Gənc tələbənin çıxışı onun diqqətindən yayınmamışdı. Maraqlanmışdı. Demişdilər Böyük Vətən Müharibəsi veteranının qızıdır. Xalamın Bakı Dövlət Universitetinin jurnalistika fakültısində oxumasını məsləhət görmüşdü və bu barədə bəzi məsul şəxsləər göstəriş də vermişdi. Müəyyən səbəblərdən xalam jurnalistika sahəsi üzrə təhsilini davam etdirməmişdi. İqtisad Universitetini bitirərək özü gücünə Nazirliklərin birində idarə rəisi vəzifəsinə qədər yüksəlmişdi.
    O, Heydər Əliyevi çox istəyirdi. Onun vurğunu idi.
    Mən də onun jurnalist olmamasına təəssüflənmişdim. Bu hadisə, bu məsələ o vaxt mənim yaddaşımda dərin iz buraxmışdı.
   Tale elə gətirdi mən jurnalist oldum.Bu dahi şəxsiyyət haqqında bir neçə məqalə yazdım. Sağlığında-ömrünün son ilində "Ulu öndərə" adlı şeir yazdım.

Namiq MƏMMƏDLİ
Sabaha-inamla.az




Namiq MƏMMƏDLİ
Ulu öndər Heydər Əliyevə

İyirminci əsrdə doğulsan da,
Adın iyirmi birinci
                  Əsrə də düşdü.
Fenomenal yaddaşından,
Əzəmətli görünüşündən,
Çoxlarının kürkünə
                Birə düşdü.
Çıxışına ayaq döyənlər də,
Kölgəni qılınclayanlar da,
Sənin ağlının
Tilsiminə düşdü.
Müdrik kəlamlarından,
Məsləhətlərindən,
Bəhrələnib sənə
Sadiq qalanlar da oldu,
Qədrinin bilməyib,
Üzünə ağ olanlar da
                Tapıldı.
Səhvini başa düşənləri
Ürəyin bağışladı.
Həyatına qəsd
Etmək istəyənləri
Allah cəzalandırdı.
Xəstəliyinə sevinənlər
Çox oldu.
Tülkülər o saat
Dönüb şir oldu.
Məqam gözləyən
“Tülkü-şirlərin”
Burunların dostların,
            Bütün səni sevənlər ovdu.
Azərbaycanı dünyaya
Tanıtdıran Sən oldun.
Atəşkəslə
Müharibəyə son qoydun.
Qarabağı
Sülh yolu ilə almağa
                    Çox çalışdın,
                               Çox vuruşdun.
Təkbaşına ağlınla,
Dərin zəkanla
                Ermənilərə meydan oxudun.
Xəstələnməyin torpaqlarımızı
Geri qaytarmağa qoymadı.
Sən uzaqgörən,
Əzəmətli siyasətçisən,
Qarabağımızın geri
Qaytarılacağına əminsən,
“Azərbaycanın müstəqilliyi
Əbədidir” sözlərin
Sayəndə həqiqət oldu.
Səksən yaşında
Namizədliyini
                Geri götürsən də,
Layiqli davamçın-
Hamımızın sevimlisi
İlham Heydər oğlu
              Xalqın səsinə səs verdi,
Xalq da Onu təklənməyə qoymadı.
O, Yeni Azərbaycanın,
Müstəqil Azərbaycanın,
Yeni və ən gənc Prezidenti oldu.
O,xalqın yaxşı
Yaşamasına qarant oldu.
Gəlin, ümidimizi üzməyək!
Yeni Azərbaycanın
Yeni Prezidentindən
Qarabağ probleminin
Həllini gözləyək!
                   15.10.2003




Baxış sayı: 174


Bölməyə aid digər xəbərlər