Bütün xəbərlər
Novruzumuz xoş gəlsin-Xanım İsmayılqızı
Tarix: 19-03-2022 23:32 | Bölmə: Ədəbiyyat

Novruzumuz xoş gəlsin

Yanaraq yaşamaqçün pərvanə şama qonur,
Ay hardansa qaçaraq gözəl axşama qonur,
Arzuların üzünə zərif oxşama qonur
Bu bayram axşamında.

Niyyətlərin içində yetişilir məqsədə,
Şükür edənlər çoxdu pay aldığı qismətə,
Ruhların görüşüylə can verilir həsrətə
Bu bayram axşamında.

Könüldən könüllərə yol çəkilir, iz düşür,
Ürəkdən keçənlərə böyük sevgimiz düşür,
Kiməsə əllərimiz, kimə qəlbimiz düşür
Bu bayram axşamında.

Müqəddəs Quranımız kəlmə-kəlmə oxunur,
Saatın, dəqiqənin, saniyənin üzü nur,
Bütün dualarımız Tanrımıza toxunur
Bu bayram axşamında.

Xanım İsmayılqızı


Baxış sayı: 344


Bölməyə aid digər xəbərlər
16-09-2022, 11:24 Şəhidim-Xalidə Nuray