Bütün xəbərlər
NATO İranın eskalasiyasını pisləyib
Tarix: 14-04-2024 15:30 | Bölmə: Dünya

Sabaha-inamla.az rus mətbuatına istinadən xəbər verir ki, NATO-nun sözçüsü Farah Dahlallah bildirib ki, Alyans İranın İsrail ərazisinə endirdiyi zərbələri pisləyir və təmkinli olmağa çağırır.
"Biz İranın bir gecədə eskalasiyasını pisləyirik... və hadisələri diqqətlə izləyirik", - AFP onun sözlərindən sitat gətirib. Dahlallah “Yaxın Şərqdəki münaqişənin nəzarətdən çıxmamasının” vacibliyini vurğulayıb.
Roma Papası Fransisk də İranın hərəkətlərindən sonra Yaxın Şərqdə vəziyyətin pisləşməsindən narahatlığını bildirib.
O, Müqəddəs Pyotr meydanına toplaşanlara ənənəvi bazar xütbəsindən sonra deyib: “Mən Yaxın Şərqdən gələn narahatlıq xəbərləri dua ilə izləyirəm, burada İranın hərəkətləri səbəbindən İsraildə vəziyyət pisləşib”. “Zorakılığın şiddətlənməsinə kömək edə biləcək” hər hansı addımlara.
Onun fikrincə, heç bir ölkə başqasının varlığını təhdid etməməlidir. “Bütün ölkələr sülh üçün ayağa qalxmalı və israillilər və fələstinlilərin iki dövlətdə, yan-yana və sülh içində yaşamasına kömək etməlidirlər”, - deyə, Papa yekunlaşdırıb.
İsrailin Rusiyadakı səfiri Simone Halperin RİA Novosti-yə bildirib ki, ölkə Rusiyadan İranın İsrailə qarşı kütləvi raket hücumunu pisləyəcəyini gözləyir.
“Rusiyalı həmkarlarımızdan İranın İsrail ərazisinə misli görünməmiş hücumunu pisləyəcəklərini gözləyirik” deyən Halperin əlavə edib ki, İsrail Rusiyanın İranın “regionda sabitliyi pozmaq cəhdlərinə” qarşı çıxacağını gözləyir.
Onun fikrincə, Rusiyadan olan həmkarları “İranın hücumunun mahiyyətini kifayət qədər yaxşı bilirlər”, həm də ona görə ki, ən son texnologiyalar sayəsində “hamı baş verənləri onlayn izləyə bilirdi”.


Baxış sayı: 107


Bölməyə aid digər xəbərlər