Bütün xəbərlər
Trampın keçmiş müavininin evində gizli sənədlər tapılıb
Tarix: 24-01-2023 23:05 | Bölmə: Dünya

ABŞ-da bunun üçün ən uyğun olmayan yerlərdə gizli sənədlər tapılmaqda davam edir.
Sabaha-inamla.az rus mətbuatına istinadən xəbər verir ki, Donald Tramp və Co Baydenlə birlikdə mühüm dövlət sənədlərinin məsuliyyətsiz mühafizəçiləri şirkətinə keçmiş vitse-prezident və Trampın köməkçisi Maykl Pens də daxildir.
Keçən həftə Donald Trampın keçmiş müavininin şəxsi evində Maykl Pensin vəkili tərəfindən ən azı on məxfi sənədin tapıldığı bildirilir. Bu barədə TASS Amerika KİV-nə istinadən xəbər verir.
Hələlik məzmunu açıqlanmayan sənədlər FTB-yə təhvil verilib. Federal büro və ABŞ Ədliyyə Departamentinin rəsmiləri aşkar edilmiş materialların nə qədər əhəmiyyətli olduğunu və onların Ağ Evdən kənara necə çıxdığını öyrənməli olacaqlar. Pensin heç bir məxfi sənədlərinin olmadığını dəfələrlə bildirməsindən sonra bütün bunlar xüsusilə gözlənilməz görünür.
Xatırladaq ki, 2022-ci il avqustun 8-də Donald Trampın Mar-a-Laqodakı malikanəsində məxfi sənədlərin tapılması ilə bağlı böyük qalmaqal yaranmışdı. Yanvar ayında isə Joe Biden-in vitse-prezident kimi istifadə etdiyi ofisdə Ağ Evi tərk etməməli olan sənədlər aşkar edildi. Daha sonra Amerikanın hazırkı prezidentinin qarajından da məxfi materiallar tapılıb.


Baxış sayı: 40


Bölməyə aid digər xəbərlər