Bütün xəbərlər
Türkiyə İraq və Suriyada əməliyyatlarını başa çatdırıb
Tarix: 20-11-2022 12:25 | Bölmə: Dünya


Türkiyənin milli müdafiə naziri Hulusi Akar İraqın şimalında və Suriyanın şimalında terrorçuların baza kimi istifadə etdiyi bölgələrdə həyata keçirilən "Pəncə-Qılınc" hava əməliyyatının başa çatdığını açıqlayıb.
Sabaha-inamla.az rus mətbuatına istinadən xəbər verir ki,generalın bəyanatı Türkiyə Müdafiə Nazirliyinin saytında dərc olunub. Hulusi Akarın sözlərinə görə, terrorçuların məhv edilməsi əməliyyatı BMT qaydalarına uyğun olaraq həyata keçirilib və “həm planlaşdırma mərhələsində, həm də icra mərhələsində çox incə olub”.
Onun sözlərinə görə, əməliyyat zamanı terrorçuların sığınacaqları, bunkerləri, mağaraları, tunelləri və anbarları, eləcə də qərargahı təyyarələr tərəfindən dağıdılıb.
“Məqsədimiz 85 milyonluq vətəndaşımızın və sərhədlərimizin təhlükəsizliyini təmin etmək, həmçinin ölkəmizə qarşı hər cür xəyanətkar hücumlara cavab verməkdir”, - nazir vurğulayıb. Hulusi Akar əlavə edib ki, əməliyyatlar “son terrorçuya qədər” davam edəcək.
Bundan əvvəl Türkiyə hərbçilərinin xüsusi əməliyyatının məqsədinin PKK olduğu bildirilmişdi. Xüsusilə Suriyanın şimalında yerləşən və Suriya Demokratik Qüvvələrinin nəzarəti altında olan sərhədyanı Kobani şəhərinə zərbələr endirilib.
Türkiyənin daxili işlər naziri Süleyman Soylunun sözlərinə görə, noyabrın 13-də İstanbulun mərkəzindəki İstiqlal küçəsində terror aktı törətmək əmri Kobani şəhərindən gəlib.


Baxış sayı: 160


Bölməyə aid digər xəbərlər