GƏNC İSTEDAD BİLQEYİSXANIM MİRİZADƏ-VÜQAR ƏHMƏD
Tarix: 16-07-2021 16:07 | Bölmə: Dünya


 "Hər bir Azərbaycan gənci hər şeydən çox, hər şeydən artıq müstəqil Azərbaycanın bugünü, gələcəyi haqqında düşünməlidir"
                                                             Heydər Əliyev

Ta qədimdən hər bir xalq özünün xoşbəxt gələcəyə olan ümidlərini, ilk növbədə, gənc nəsillə bağlayır. Gənc nəslin yetişdirilməsi və formalaşması hər bir məmləkət üçün ən əsas məsələdir. Eləcə də, dünyanın istənilən ölkəsində gənclər də sosial-iqtisadi inkişafın aparıcı qüvvələrindən biri, cəmiyyətin islahatları hərəkətə gətirən zümrəsi və yaşlı nəslin davamçısı hesab olunur. Gənclər cəmiyyətin ən dinamik zümrəsi olmaqla ictimai-siyasi, sosial-iqtisadi və mədəni həyatında fəal iştirak edir, respublikada baş verən bütün proseslərin mərkəzində dayanır. Nəsillər dəyişir, dövlətlər inkişaf edir. Lakin ənənələr, milli-mənəvi dəyərlər gənc nəslin vətənpərvərlik ruhunda tərbiyə olunması onun mənsub olduğu xalqın rifahının və respubikanın tərəqqisinin başlıca amilidir.
    Prezident İlham Əliyevin 2007-ci ilin "Gənclər ili" elan edilməsi ilə bağlı Sərəncamı gənclərin ölkə həyatındakı fəallığını daha da artırıb. Azərbaycanda uğurla həyata keçirilən dövlət gənclər siyasəti bu gün gənclərin ölkə həyatının bütün sahələrindəki fəallığını daha da artırıb. Azərbaycanda müasir gənclər hərəkatının inkişafı üçün dövlət səviyyəsində kifayət qədər işlər görülüb, uşaq və gənclərin qeyri-hökumət təşkilatlarının yaradılması, fəaliyyətlərinin təşkili üçün sağlam mühit yaradılıb və hüquqi baza təkmilləşdirilib.
Göründüyü kimi, bu gün Azərbaycan gəncliyinin önündə böyük yollar açılıb. Milli-mənəvi dəyərlərimiz, Azərbaycan dövlətinin həyata keçirdiyi tədbirlər, eyni zamanda, ölkəmizin zəngin resursları gənclərimizin inkişafı üçün müvafiq şəraiti yaradır. İndi əsas vəzifə gənclərin bu imkanlardan layiqincə yararlanıb, həm öz inkişafını təmin etmək, həm də dövlətimizin mənafeyini etibarlı şəkildə müdafiə edən layiqli vətəndaş kimi formalaşmaq üçün ciddi iradə ilə çalışmalıdır. Hər bir gənc öz yolunu müstəqil Azərbaycan Respublikasının həyat yolu kimi qəbul etməlidir.
Şübhəsiz gənclərimizin dünyanın müxtəlif ölkələrində peşəkar mütəxəssislər kimi yetişməsi üçün yaradılan şərait tələbələrimiz üçün böyük imkanlar açıb. Prezident İlham Əliyevin diqqət və qayğısı Azərbaycan gənclərinin özlərini inkişaf etdirmələrinə, dünyanın nüfuzlu ali təhsil ocaqlarında təhsil almalarına imkan yaradıb. Doğma Azərbaycanımızda həyata keçirilən gənclər siyasəti də Azərbaycanın inkişaf istiqamətlərini müəyyən edir. Bu sahədə biz gənclərin də üzərinə böyük məsuliyyət düşür.
Azərbaycan gəncləri mənəvi cəhətən inkişafını və vətənpərvərliyini xaricdə də nümayiş etdirirlər. Bunu xaricdə təhsil alan gənclərimizin ictimai aktivliyinin günü-gündən artması bir daha sübut edir. Bilqeyisxanım Mirizadə bu baxımdan nümunə göstəriləsi gənclərimizdən biridir.
Bilqeyisxanım Mirizadə 1995-ci ildə yanvarın 26-da Bakı şəhərində anadan olmuşdur.Təhsilini Baku Oxford Məktəbində aldıqdan sonra
2013-2016-cı illərdə İngiltərədə, London şəhərində SOAS Universitetinde hüquq fakültəsində bakalavr təhsili almışdır. SOAS-da oxuduğu illərdə tələbə təmsilçisi və "Law of Commercial Arbitration"-da fərqlənmə alan yeganə tələbə olaraq,2016-2017-ci illərdə İngiltərədə, London şəhərində tanınmış Queen Mary Universitetində Beynəlxalq Hüquq üzrə magistr təhsili almış və həmin universiteti “fərqənmə” diplomu ilə bitirmişdir.

Onu da qeyd edək ki, "International Law on Rights of Children" Beynəlxalq Uşaq Hüququ sahəsində “fərqlənmə” diplomu alan yeganə tələbə olan Bilqeyisxanım Mirizadə Queen Mary Universitetini bitirdikdən sonra Amerikada tanınmış Harvard Universitetində Beynəlxalq Hüquq və Dövlət Toxunulmazlığı uzrə təhsil almişdır.
    Təhsilini xaricdə davam etdirməkdə əsas məqsədi fərqli elmi təcrübələr qazanmaq, digər ölkələrin uğurlu nailiyyətlərini, yeniliklərini dərindən öyrənmək və əldə etdiyi bütün bilikləri dövlətinin hüquq sisteminin daha da inkişaf etməsinə sərf etməkdir.

  O, 2018-ci ildə isə İngiltərədə BPP Universitetində bir il hüquq üzrə təcrübə keçmiş və bu bir il ərzində 16 imtahanda yüksək nəticə göstərərək ugurla təhsilini başa vurmuşdur. Bundan başqa, Avropa Konsulluğunda İnsan Hüququ üzrə təcrübə keçərək Yale Universitetində Amerikan Hüququ üzrə təhsil almışdır.
         Bilqeyisxanım Mirizadə İngiltərədə, Londonda tanınmış beynəlxalq hüquq şirkətlərində işləyərək,eyni zamanda Amerikada və İngiltərədə keçirilən Birləşmiş Millətlər Təşkilatı, Royal United Services Institute (RUSI), Amerikan Beynəlxalq Hüquq Assosiasiyası kimi beynəlxalq hüquq konfranslarında ölkəmizi təmsil etmişdir.

Xaricdə təhsil aldığı ilərdə əldə etdiyi bilgilər, səyahət etdiyi ölkələr, iştirak etdiyi konfranslar bir sözlə öyrəndiyi hər bir şey həm elmi həyatında, həm də iş həyatında çox faydalı olmuş və faydalı olmaqda davam edir.  
Biqeyis deyərdim ki, poliqlotdur,bir neçə xarici dildə yüksək səviyyədə sərbəst danışır.O çümlədən  Azərbaycan dili ilə yanaşı rus, ingilis, fransız və türk dillərində səlis danışa bilməsi bu gənc istedadın bilik səviyyəsinin yüksək üstünlüyündən xəbər verir.
Hal-hazırda Fransanin, Strasbourg şəhərində Avropa İnsan Hüquqları Məhkəməsində işləyir.
Bu yolda onu dəstəkləyən və hər zaman yanında olan yeganə insan anasına  daim təşəkkürünü bildirir. Biqeyis qeyd edir ki, “Mən anamın mənə olan inamı və dualari sayəsində bu səviyyəyə qalxmışam.Alah anamı hifz eləsin!”
Onun əsas məqsədi dövlətini dünyanın müxtəlif yerlərində təmsil etməkdir.

Bilqeyis xanıma bu enişli-yoxuşlu tale yollarında uğurlar arzu edirəm. Arzu edirəm ki, bu istedadlı gənc elm-təhsil yollarında pillələrlə qalxdıqca heç vaxt ayağı büdrəməsin. Bilqeyisxanım Mirizadə layiqli vətən övladıdır. Mən həqiqətən onunla qürur duydum!

VÜQAR ƏHMƏD,
AMEA Nizami  Gəncəvi adına Ədəbiyyat İnstitutunun
“Mətbuat tarixi və publisistika” şöbəsinin müdiri,
filologiya elmləri doktoru, professor




Baxış sayı: 135


Bölməyə aid digər xəbərlər