Ukraynanın SAMBO komandası rusiyalıların turnirə buraxılması səbəbindən 2022-ci il dünya çempionatını buraxacaq.
Sabaha-inamla.az rus mətbuatına istinadən xəbər verir ki,Ukrayna komandası noyabrın 11-dən 13-dək Qırğızıstanda keçiriləcək 2022-ci il planetar çempionatında iştirak üçün müraciət etməyib. Bu barədə “İzvestiya” telekanalının jurnalistləri məlumat yayıb. Artıq Ukrayna yığmasının qərarı Beynəlxalq SAMBO Federasiyası tərəfindən şərh edilib.
“Çox təəssüflənirik, çünki Ukrayna komandası ənənəvi olaraq istənilən beynəlxalq SAMBO turnirinin favoritlərindən biri hesab olunur. Sambo böyük bir ailədir və bizim qapılarımız onların üzünə açıqdır”, - deyə, təşkilatın nümayəndələri vurğulayıblar.
RT yazır ki, bundan əvvəl Ukrayna millisi çempionat və Avropa çempionatını buraxıb. Turnirlərin boykot edilməsi rusların qəbulu ilə bağlı idi.