11:42 / 03-07-2022
Biz teatrı niyə sevmirik?
Sumqayitda şahmat həlletməsi üzrə Azərbaycan Çempionati keçirilmişdir
Tarix: 22-06-2022 01:10 | Bölmə: Digər

Sumqayitda şahmat həlletməsi üzrə Azərbaycan Çempionati keçirilmişdir
 18-19 iyun 2022-ci il tarixlərində “Təhsil” Respublika İdman Mərkəzinin Sumqayıt şəhər 2 nömrəli Uşaq-Gənclər İdman-Şahmat Məktəbində şahmat məsələlərinin həlli üzrə 41-ci Azərbaycan çempionatı keçirilmişdir. Çempionata qələbə uğrunda ölkəmizin 10 şəhər və rayonlarından (Bakı, Sumqayıt, Gəncə, Göygöl, Şəki, Şabran, Qəbələ, Naftalan, Tərtər, Xızı) 35  şahmatçı qalib adı uğrunda mübarizəyə qatılmışdır. Gərgin idman mübarizəsi şəraitində davam edən çempionatda Sumqayıt şahmatçılarından Rəvan Əliyev 51,5 (289 dəq) xalla üçüncü, 18 yaşlılar arasında Avropa çempionu Uğur İlyasl isə 48,5 (272 dəq) xalla 4-cü yeri tutmuşlar. Bölmələr üzrə iki gedişli mat məsələlərində Vüqar Bayramov, etüdlər üzrə Uğur İlyaslı qalib adını qazanmışlar. 18 yaşadək həlletməçilər arasında isə Murad İsmayılov bütün rəqiblərini üstələyərək fəxri kürsünün ən yüksək pilləsinə qalxmışıdır.
Qalib və mükafatçılara Gənclər və İdman Nazirliyi tərəfindən fəxri fərmanlar, Azərbaycan Şahmat Federasiyası tərəfindən isə pul mükafatları və medallar təqdim olunmuşdur.
Həlletmə komandamız noyabrda BƏƏ-nin Fujairah şəhərində  keçiriləcək və mükafat fondu 30 min ABŞ dolları olacaq dünya çempionatında ölkəmizi təmsil edəcək.

Sabaha-inamla.az





Baxış sayı: 50


Bölməyə aid digər xəbərlər