Növbəti dəfə iki erkən nikahın qarşısı alındı - Goranboyda
Tarix: 26-06-2022 02:21 | Bölmə: Cəmiyyət

                    Növbəti dəfə iki erkən nikahın qarşısı alındı



“Bu dəfə də 15 və 16 yaşlı yeniyetmə qızların ailəsi tərəfindən ərə verilməsinə mane olunub”.
“Qafqazinfo” xəbər verir ki, bu barədə Ailə, Qadın və Uşaq Problemləri üzrə Dövlət Komitəsinin mətbuat xidmətinin rəhbəri Teymur Mərdanoğlu məlumat verib.
“Övladlarına təhsil əvəzinə, evləndirməyi üstün tutan, bu dəfə Goranboy rayon sakinləri olublar. Dövlət Komitəsi tərəfindən faktın dərhal araşdırılması üçün Goranboy Rayon İcra Hakimiyyətinə, həmçinin rayon Polis şöbəsinə, eləcə də Uşaq və Ailələrə Dəstək Mərkəzinə təcili olaraq məlumat verilib. Dərhal onlarda ailəyə səfər edərək faktın doğruluğunu araşdırıblar. Məlum olub ki, hələ toyun nə olduğunu tam dərk etməyən 15 yaşlı uşağı ailəsi evləndirməyə hazırlaşırmış”.
T. Mərdanoğlu qeyd edib ki, bu gün xına mərasiminə hazırlaşan ailə, 27 iyulda da, toy edəcəkmiş.
Komitə rəsmisi sözlərinə əlavə edib ki, ikinci erkən nikah da elə, həmin rayonun digər bir kəndində baş tutacaqmış:
“Rayon İH-nin əməkdaşları ilə birlikdə ailəyə səfər edən qrum rəsmləri, toya hazırlıq işlərinin aparıldığının şahidi olublar. Dərhal azyaşlının özü və ailəsi ilə fərdi söhbət aparılıb və toyun qarşı alınıb:
Qurum tərəfindən hər iki ailə və onların oğlan tərəfi ilə də söhbətlər aparılıb.


Baxış sayı: 70


Bölməyə aid digər xəbərlər