Sumqayıtda “Narkomaniyaya Yox Deyək” adlı görüş keçirildi
Tarix: 28-04-2022 21:57 | Bölmə: Cəmiyyət

Sumqayıt şəhər Polis İdarəsi, Gənclər və İdman Baş İdarəsi, Xidmət Sahələri üzrə Sumqayıt Dövlət Peşə Təhsil Mərkəzi və Narkoloji Dispanserin birgə təşkilatçılığı ilə 27 aprel 2022-ci il tarixində Gənclər Evində "Narkomaniyaya Yox Deyək” devizi altında növbəti maarifləndirici görüş təşkil edilmişdir.
Tədbiri giriş sözü ilə açan təhsil mərkəzinin direktoru Gülşən Ömərova görüşün məqsəd və mahiyyəti haqqında məlumat vermiş, gənclərimizin sağlam mühitdə böyümələri, zərərli vərdişlərdən uzaq olmaları üçün bu cür tədbirlərin xüsusi əhəmiyyəti olduğunu qeyd etmişdir.
Sumqayıt şəhər Gənclər və İdman Baş İdarəsinin rəisi Elgün Hümbətov, Polis İdarəsinin əməkdaşı Azər Bağırov və Narkoloji Dispanserin həkimi Vüsal Cabbarov çıxışlarında narkomaniyaya qarşı mübarizədə təkcə dövlətin deyil, bütövlükdə cəmiyyətin birgə fəaliyyətinə böyük ehtiyac olduğunu qeyd etmiş, narkomanlığın cəmiyyətə və insan sağlamlığına vurduğu ziyan, bu sahədə görülən tədbirlər və onların nəticələri barədə ətraflı məlumat vermişlər.
Daha sonra narkomaniyanın ağır fəsadlarından bəhs edən film nümayiş etdirilmişdir.
Sumqayıt şəhər Polis İdarəsinin rəisi Fəqan Azadəliyev çıxışında ölkəmizdə narkotiklərlə mübarizə çərçivəsində istər dövlət qurumlarının, istər ictimai birliklərin, istərsə də vətəndaşların hər birinin təşəbbüsünü müsbət qiymətləndirdiyini vurğulamış, gəncləri zərərli vərdişlərdən uzaq olmağa çağırmışdır.
Sonda tədbir iştirakçılarını maraqlandıran suallar cavablandırılmış, maarifləndirici bukletlər paylanmışdır.

Sabaha-inamla.az










Baxış sayı: 89


Bölməyə aid digər xəbərlər