TƏNHA ŞƏHİD ANASINA-ƏDALƏT ƏROĞLU
Tarix: 23-02-2021 21:59 | Bölmə: Cəmiyyət


Evin bircə övladı Şəhidimiz, MAXE Aslanov Bəxtiyar İlqar oğluna. Atası İlqar isə 5 il öncə dünyasını dəyişmişdir. Əslən Şuşalı olan anası Tünzalə müəllimə Naftalan şəhər orta məktəbində çalışır.

TƏNHA ŞƏHİD ANASINA

Evin tək övladı, həm də dayağı,
Azad görmək üçün can Qarabağı,
Basıb sinəsinə üçrəng bayrağı,
Döyüşdü, vuruşdu, İgid Bəxtiyar.

Bu tarix, həm də bir yaddaş əsəri,
Çaldı düşmənimə şanlı zəfəri,
Odlar yurdumuzun igid əsgəri,
Döyüşdü, vuruşdu, İgid Bəxtiyar.

Bəxtiyar ölkəmin, Bəxtiyarısan,
Vətənin Şəhidi, qürür payısan,
Göylərdə ay, ulduz, Tanrı payısan,
Döyüşdü, vuruşdu, İgid Bəxtiyar.

Anan da, vətən də gözləri yolda,
Mələklər yazırdı sağda, həm solda,
Düşmən gizlənmişdi dağlarda kolda,
Döyüşdü, vuruşdu, igid Bəxtiyar.

Müəllimə ana gözləri nəmli,
Bu eli, obası dərdli, ələmli,
Dostları dözməyir, kədərli, qəmli,
Döyüşə yollandı igid Bəxtiyar.

Tarix yazdı səngərlərdə oğullar,
Qırx dörd gündə bitdi neçə nağıllar,
Dünya gördü, bizdə necə oğul var,
Döyüşə yollandı igid Bəxtiyar.

Dərdini heç kimlə bölə bilmədin,
Vətənim dardadır gülə bilmədin,
Ananın göz yaşın silə bilmədin,
Döyüşə yollandı igid Bəxtiyar.

Sən yazdın Murovda şanlı bir tarix,
Vətəni qorumaq, canlı bir tarix,
Əroğlu, yazdığın qanlı bir tarix,
Döyüşə yollandı igid Bəxtiyar.

QAFAROV ƏDALƏT İZZƏT OĞLU (ƏROĞLU)
Hüquqşünas, şair


ALLAH RƏHMƏT ELƏSİN, MƏKANI CƏNNƏT OLSUN!



Baxış sayı: 347


Bölməyə aid digər xəbərlər