16:17 / 28-02-2020
Virusdan necə qorunmaq olar?
ÖZÜMÜ SEÇİCİLƏRƏ TƏQDİM EDİRƏM- Ədalət Qafarov
Tarix: 21-01-2020 01:22 | Bölmə: Siyasət
Azərbaycan Respublikası Milli Məclisinə 09 fevral 2020-ci ildə keçiriləcək Deputat seçkilərində müstəqil namizəd olara 42 saylı Sumqayıt ikinci seçki dairəsindən Ədalət İzzət oğlu Qafarov olaraq özümü seçicilərinə təqdim edir:
Mən, Qafarov Ədalət İzzət oğlu 16 aprel 1966-cı ildə Cəbrayıl rayon Hovuslu kəndində anadan olmuşam. 1973-83-cü il tarixdə doğulduğum kənd orta məktəbində təhsil almışam. Sonra Sumqayıt şəhər 44 nömrəli Texniki Peşə Məktəbinə daxil olmuş və 1984-cü il tarixdə Sumqayıtdan Hərbi xidmətə çağrılmışam. 10 may 1986-cı il tarixdə Hərbi xidməti bitirərək Sumqayıt şəhərində Z.Hacyrev adına 1 nömrəli Tresin 12 saylı Tikinti İdarəsində fəhlə olaraq işləməyə başlamışam. Fəhlə işləyə-işləyə sentyabr 1992-ci tarixdə M.Ə.Rəsulzadə adına Bakı Dövlət Universitetinin Hüquq fakultəsinin I kursuna daxil olmuş və 1997-ci il tarixdə isə həmin Universiteti bitirmişəm. 02 sentyabr 1994-cü il tarixdə Sumqayıt şəhər Xalq Məhkəməsində Dəftərxana işində çalışmağa başlamışam. 1998-ci ildə isə Məhkəmə İclas katibi (Hakim köməkçisi) vəzifəsində çalışmışam. 01 dekabr 2000-ci il tarixdə həmin vəzifədən öz xahişim ilə azad olunmuşam. 10 dekabr 2000-ci il tarixdən 14 noyabr 2007-ci il tarixədək Sumqayıt şəhərində Müstəqil Hüquq Məsləhətxanasında fəaliyyət göstərmişəm.
14 noyabr 2007-ci il tarixdən “İZZƏT” MMC-nin Təsisçisiyəm. “İZZƏT” MMC Hüquq Məsləhətxanasının və Tədris Mərkəzinin direktor vəzifəsində çalışıram. Ailəliyəm. 3 övlad atasıyam.
1995-ci ildə Milli Məclis, 2014 və 2019-cü ildə Sumqayıt Bələdiyyə seçkilərində qeydiyyatdan keçərək namizəd olmuşdur.
“Qızıl Qələm” Media Mükafatı Laureatıyam.
“İçimizdə yurd adlı yaramız var” şeirlər kitabının müəllifiyəm.
“ƏDALƏT İŞIĞINDA” Ədəbi Birliyinin rəhbəriiyəm.
ASKEF-n Azərbaycan-Sumqayıt şəhərinin Təmsilçisiyəm.
“Mənim Vətənim”, “Dünya yalan dünyadı”, “Zirvəyə doğru”, Sevənlərin Dünyası”, "Qarabağ həsrət" Poeziya Antologiyasında və Dahi şairimiz M.Müşfiqin 110 illiyi ilə əlaqədar “Göyərçin əllər” Poetik Topluda, İmadəddin Nəsiminin 650 illiyi ilə bağlı “CAHANA SIĞMAZAM” Almanaxının I və II hissələrində, “Yurd” Jurnalında, “Ədalət yolu”, “Sabaha İnamla” qəzetində bir çox şeirləri, “Azərbaycan Gəncləri”, “Kolxozçu”, “Sosialist Sumqayıtı”, “Ədalət yolu”, “İdeal Market” “Gündəm xəbər”, “Sabaha inamla”, Haqqın sədası" qəzetlərində məqalələrim çapdan çıxmışdır.
Bir çox internet portallarda; “Sabaha-inamla.az”, “Sumqayıtfakt.az”, “Qərib.az”, “Manevr.az”, “Pressaz.az” “Xəbərləcom.az”, “Ədalətyolu.az”, “Gündəmxəbər.az”, “Presspark.az” saytlarında onlarla şeirləri və kiçik məqalələrim işıq üzü görmüşdür.
“XX-XXI Əsrin Yaradıcı İnsanları və Ziyalıları”, “Xan Çinarın Yetirmələri” kitablarının yaradıcı heyətinin üzvüyəm.
Övladlarımı da Vətən üçün dəyərli şəxsiyyət olması üçün əlimdən gələni əsirgəmirəm. Bununla yanaşı Hüquqşünas olaraq hər kəsə-özümdən böyüklərə və öz yaşıdlarıma hörmət, kiçiklərə qayğı göstərməklə hörmət qazanmışam.
Müntəzəm olaraq öz vətənpərvər şeirlərim ilə bir çox dövlət tədbirlərində çıxış etmişəm.
Sumqayıtlıların dəstəyi ilə seçilərəmsə Vicdanla həmişəki kimi xidmətinizdə olacağam. Allah Sizləri qorusun. Var olun həmişə.
Ədalətə səs verin ki, hüquqlqrınız pozulmasın.Ərizə və şikayətlərinizə baxan tapılsın.
AR MM-ə 42 SAYLI SUMQAYIT İKİNCİ SEÇKİ DAİRƏSİNDƏN DEPUTATLIĞA NAMİZƏD
Qafarov Ədalət İzzət oğlu
Hüquqşunas, şair,
"Qızıl Qələm" Media Mükafatı Laureatı,
ASKEF-in Azərbaycan-Sumqayıt təmsilçisi,
“İZZƏT” MMC-nin təsisçisi və direktoru,
“Ədalət İşığında” Ədəbi Birliyinin sədri



Baxış sayı: 377


Bölməyə aid digər xəbərlər