Bütün xəbərlər
Çin bankları Rusiya şirkətlərinin ödənişlərini əngəlləməyə başlayıb
Tarix: 12-04-2024 12:43 | Bölmə: Sosial

Çin bankları mart ayından Rusiya şirkətlərinin ödənişlərini bloklamağa başlayıb.
Sabaha-inamla.az rus mətbuatına istinadən xəbər verir ki, üstəlik, Çin bankları uzunmüddətli müqavilələr çərçivəsində elektron komponentlər üçün Rusiya ödənişlərini belə rədd edirlər.
Bununla bağlı Rusiya şirkətləri Rusiya Bankını müdaxilə etməyə çağırıblar, əks halda yerli tərtibatçılar elektronika istehsal edə bilməyəcəklər.
Bu arada, Çin tədarükçüləri tərəfdaşlarına Rusiya şirkətlərindən ödənişlərin Çin banklarından keçməməsi barədə məlumat verməyə başladılar. Bu baxımdan təchizatçılar elektronikanın (prosessorlar, ekranlar, serverlər, saxlama sistemləri, noutbuklar) ixracını dayandırırlar. Apreldə Çindən malların daşınması 3 dəfə azalıb. Yanvar-mart aylarında Rusiyaya idxal illik ifadədə 6-7% azalıb.
2023-cü ilin sonunda ABŞ Çin banklarının rəhbərləri ilə görüşlər keçirib və Rusiya hüquqi şəxsləri ilə işləmək üçün sanksiyalar tətbiq etməklə hədələyib. Yanvar ayında iki Çin bankı - "Ping An Bank" və "Bank of Ningbo" - Rusiyadan yuanla ödənişləri qəbul etməyi dayandırdı.
Çin ödəniş problemlərini problem yaradan üçüncü ölkələrin müdaxiləsi ilə əlaqələndirir.


Baxış sayı: 220


Bölməyə aid digər xəbərlər