Bütün xəbərlər
Ermak və Szijarto Zelenski ilə Orban arasında görüş imkanını müzakirə ediblər
Tarix: 07-12-2023 10:37 | Bölmə: Siyasət

Vladimir Zelenskinin ofisinin rəhbəri Andrey Ermak Macarıstanın xarici işlər naziri Peter Szijarto ilə telefon danışığı aparıb.
Sabaha-inamla.az rus mətbuatına istinadən xəbər verir ki, Ukrayna prezidenti aparatının rəhbəri Andriy Ermak Macarıstanın xarici işlər naziri Peter Siyarto ilə Vladimir Zelenski ilə Macarıstanın baş naziri Viktor Orban arasında görüş təşkil etmək imkanını müzakirə edib.
“Mən Macarıstanın Xarici İşlər və Xarici Ticarət naziri Peter Siyarto ilə telefon danışığım olub”, - deyə, Ermak öz Teleqram kanalında yazıb.
Onun sözlərinə görə, onlar Zelenski ilə Orban arasında görüş üçün əlverişli tarixin müəyyənləşdirilməsi üzərində işləmək barədə razılığa gəliblər, həmçinin “Ukraynanın Avropaya inteqrasiya yolunda irəliləyişini” müzakirə ediblər.
Macarıstanın baş naziri dəfələrlə Ukraynanın Avropa Birliyinə qəbul edilməsinə və Aİ-dən yardımının artırılmasına qarşı çıxıb. Qərb mətbuatının yazdığına görə, Orban Aİ-dən hətta dekabrın 14-15-də Brüsseldə keçiriləcək sammitdə Ukraynanın üzvlüklə bağlı danışıqların başlanmasını müzakirə etməkdən imtinanı xahiş edib.


Baxış sayı: 61


Bölməyə aid digər xəbərlər
17-02-2024, 22:08 Kadırovun oğlu nazir oldu