Bütün xəbərlər
Şəhid kapitan Şirbala Hüseynovun mövludu keçirilib-VİDEO+FOTOLAR
Tarix: 07-05-2024 12:30 | Bölmə: Reportaj
Sumqayıtda "Mirvari" restoranında şəhidlik zirvəsinə ucalmış kapitan Şirbala Hüseynovun mövludu keçirilib.
             
               
               
                       

Tədbirdə şəhid ailələri, qazilər, ictimayyət nümayəndələri iştirak ediblər.    
QMİ bölgə qazısı, Sumqayıt Cümə Məscidinin axundu Hacı Rauf Sərdarov şəhidin məzarı başında çıxış edib. O deyib: "Bu gün şəhidimizin 34 yaşı tamam olur. Bu yaş inancımıza görə cənnətdə olan mövluddur.Bu gün o,
                            
                            
                            

Allahın ən müqəddəs, ən əziz varlıqları ilə bir yerdədir.Şad gününü, xoş gününü keçiririk.Şəhid unudulmaz, yüksəklərdə pərvaz edən varlıqdır.Məqamı ən yüksək zirvədə olan bir müqəddəs insan, varlıqdır. Bu bir bir həqiqətdir ki, şəhid Allah yanındadır.Allahın taxtındadır.Allahın ruzisindən qidalanır.Şəhidimizin mövludu mübarək olsun. Yaxınlarına, əzizlərinə səbr arzu edirik". 
                             
                             
                             


Tədbirin aparıcı şəhid Abdulla Əhmədovun atası Hacı Əhməd çıxış edib və şeir söyləyib.
Restoranda davam edən tədbirdə Quran oxunub. Şəhidlər bir dəqiqəlik sükutla yad olunub. Dövlət himni səsləndirilib.
Şəhidin oxuduğu Sumqayıt şəhər H.Z.Tağıyev qəsəbəsindəki 6 nömrəli məktəbin direktor əvəzi Gülbahar Haqverdiyeva çıxış edib, məktəbin şagirdləri şeir söyləyiblər.
Namiq MƏMMƏDLİ
Sabaha-inamla.az
                 




Baxış sayı: 335


Bölməyə aid digər xəbərlər