Bütün xəbərlər
Şəhid Elnur Allahverdizadənin anım günü keçirilib-VİDEO+FOTOLAR
Tarix: 07-11-2023 23:03 | Bölmə: Reportaj
Sumqayıtda şəhidlik zirvəsinə ucalmış Elnur Allahverdizadənin anım günü keçirilib.

                       
                       
                       
                       
                       
                       

Tədbirdə şəhid ailəıəri, qazilər, ictimayyət nümayəndələri iştirak ediblər.Şəhidin məzunu olduğu Bakı Slavyan Universitetinin rektoru Anar

                         
                        
                        
                        
Nağıyev və digər rəhbər şəxslər tədbirdə iştirak edib və şəhidin məzarına əklil və gül dəstəsi qoyublar.
Bakı Slavyan Universitetinin rektoru Anar Nağıyev çıxışında deyib:"Biz bu gün Zəfərimizin qeyd olunmasının yaxın ərəfəsindəyik. Azərbaycanın bu gözəl, şərəfli tarixini bizə yaşadanlar Müzəffət Ali Baş Komandanımızın ətrafənda bir yumruq olaraq düşmənə yerini gğstərmiş bizim igidlərimizdir, şəhidlərimizdir, qazilərimizdir, veteranlarımızdır, müharibə iştirakçılarımızdır. Elnur özünün həyat yoluyla, mərdliyilə, xasiyyətilə,insanlara olan münasibətilə ən gənc yaşında böyük hörmət qazanmışdır. O, 2012-ci ildə Bakı Slavyan Universitetinə təhsil almağa qəbul olunmuşdur. 2016-cı ildə yüksək nəticələrlə təhsilini başa vurmuşdur. Hər kəsin hörmətin, sevgisin qazanaraq Universiteti məzun olaraq bitirmişdir. Uğurla hərbi xidmərini yerinə yetirmişdir. Orda da ailəsinin, dostlarının, oxuduğu Universitetin başını uca eləmişdir. Vətən Müharibəsinə, Vətən çağıranda onun sıralarına ilk qoşulanlardan biri də Elnur olmuşdur.O,Vətən Müharibəsində, haqq işimizdə öz canından keçməyi əsirgəməmişdir.Və noyabrın 7-də döyüş tapşırığını yerinə yetirərkən qəhrəmancasına şəhid olmuşdur.O, bizim qəhrəman məzunumuz olaraq həmişə xatirimizdədir.Azərbaycan xalqı Azərbaycan tarixinin bu şərəfli səhifəsini yazan igid oğullarımızı həmişə xatırlayacaqdır. Bunların qəhrəmanlığı sayəsində biz artıq Azərbaycanın ərazi bütövlüyünün təmin olunmasının böyük fəxarətlə şahidi oluruq. Ölkə rəhbəri, Müzəffər Ali Baş Komandan ötən ayın 15-də Xankəndi şəhərindəki çıxışında qeyd elədiyi kimi, Azərbaycan oğulları torpaqlarımızı qarış-qarış öz qanı hesabına geri alıb.Bu gün bizim bayrağımız Şuşada, Xankəndidə, Xocalıda və digər işğaldan azad olunmuş ərazilərimizdə məğrurcasına dalğalanır.Və bütün tarix boyu da dalğalanacaqdır. Biz fəxr edirik ki, Elnur kimi igidin həyat yolunun müəyyən bir səhifəsi də Bakı Slavyan Universitetindən tarixindən keçib. Bütün şəhidlərimizə Allahdan rəhmət diləyirik!
Universitetin müəllimləri çıxış edərək Elnur Allahverdizadə ilə bağlı xatirələrini danışıblar.
Şəhid atası Hacı Əhməd öz yazdığı şeirləri oxuyub. Sumqayıt məktəbliləri vətənpərvər ruhlu şeirlər söyləyiblər.
Tədbir şəhidin yaşadığı ərazidəki mərasim evində davam etdirilib.Quran oxunub. Şəhidlər bir dəqiqəlik sükutla yad olunub. Dövlət himi səsləndirilib.
Namiq MƏMMƏDLİ
Sabaha-inamla.az
               
               









Baxış sayı: 559


Bölməyə aid digər xəbərlər