Bütün xəbərlər
Şəhid mayor Rahib Babayevin anım günü keçirilib-VİDEO+FOTOLAR
Tarix: 03-10-2023 00:30 | Bölmə: Reportaj

Sumqayıtda şəhid mayor Rahib Babayevin anım günü keçirilib.
Tədbirdə şəhid ailələri, qazilər, ictimayyət nümayəndələri iştirak ediblər.
Tədbirdə Rahib Babayevin komandiri olduğu əsgər çıxış edib: "Bir epizod yadımda qalıb. Biz bir çayı keçdik. o qayıtdı ki, çaydan o tərəfə artıq Goranboy rayonunun ərazisidir. Xəritəni, ərazini yaxşı bilən, yaxşı tanıyan azsaylı komandirlərimizdən idi. Biz ordan baxdıqda Kəlbəcər rayonu ərasizi görsənirdi. O həmişə Kəlbəcər rayonuna baxanda deyirdi ki, Allah qismət eləsin bizdə o əraziləri görək.Uzaqdan baxdıqda ora cənnət kimi görünürdü.
2020-ci ilin Vətən Müharibəsinə qədər mən Rahiblə 3 il xidmət etmişəm. O mənim komandirim olub.Biz ondan çox şey öyrənmişik. Bir komandir kimi o həmişə əsgərləri, hərbiçilərlə bir yerdə olub.Onlara arxa, dayaq olub.Səngər qazıb, odun, ərzaq daşıyıb postlarımıza.
Bizim  taborun qarşısında düşmənin iki briqadası yerləşirdi. Həmin briqadalar ağır artileriya silahları ilə təchiz olunmuşdu.2020-ci ilin Vətən Müharibəsində bizim taborun qarşısına qoyulmuş tapşırıq düşmənin Murov dağ silsiləsindəki canavarlar yüksəkliklərini azad etmək idi.Hansı ki biz o yüksəkliyi bir saat qırx dəqiqəyə komandirimizin rəhbərliyi altında azad etmişik. Heç bir itki vermədən...
Komandirimiz 2020-ci ilin sentyabr ayının 30-da həmin yüksəkliyi əldə saxlamaq uğrunda gedən döyüşlərdə şəhid olub. Bu yolda şəhid olanların ruhları şaddır. Çünki  bu gün Vətən torpaqları da azaddır. Allah ailələrinə səbr versin!"
Namiq MƏMMƏDLİ
Sabaha-inamla.az

              















Baxış sayı: 569


Bölməyə aid digər xəbərlər