19:34 / 12-06-2024
ABŞ sanksiyalar tətbiq edib
Bütün xəbərlər
Sumqayıtda şəhid jurnalist Sirac Abışovun doğum günü keçirilib-VİDEO+FOTOLAR
Tarix: 30-08-2023 00:56 | Bölmə: Reportaj

Sumqayıt şəhərində şəhidlik zirvəsinə ucalmış jurnalist Sirac Abışovun doğum günü keçirilib.

                        
Tədbirdə şəhid ailələri, qazilər, ictimayyət nümayəndələri, Qubadlı rayon İcra Hakimiyyətinin məsul şəxsləri iştirak ediblər.

                        
Tədbirdə Qubadlı rayon İcra Hakimiyyəti başçısının müavini Allahverdi Haqverdiyev çıxış edib. O deyib: "Rayon İcra Hakimiyyətinin başçısı Malik müəllimin salamlarını sizə çatdırıram.Şəhidin atasına, anasına, ailə üzvülərinə, qohumlarına başsağlığı verirəm.Şəhidlərimizin, qazilərimizin qanı, canı bahasına bu torpaqlar işğaldan azad olundu.Biz indi öz yurdumuza qayıdırıq. İşğaldan azad olunandan sonra hörmətli Prezidentimiizn göstərişi ilə işğal olunmuş əraziləri çəkib göstərirdilər. Siracda orda idi. Biz onunla çox əlaqə saxladıq. O gedib doğma kəndini gördü.Sonra gedib Kəlbəcərdə çəkliş edəndə minaya düşdü. Onlar bizim fəxrimizdi, həmişə yaşayacaqlar. Bilirsiniz ki, Qubadlı rayonu işğaldan azad olunub.Rayonda abadlıq, quruculuq işləri gedir.Allahın köməkliyi ilə biz tezliklə rayona qayıdacağıq. Sirac Abışovun da abidəsi doğulduğu kənddə qurulacaq.Bulaq tikiləcək.Adına məktəb veriləcək.Bu gün onun 34 yaşı tamam olur. Cənnətdəki ad gününü təbrik edirəm!"
Daha sonra Qubadlı məktəbliləri şeir deyib. Şair Elbrus Qayalı isə şəhidə həsr etdiyi şeiri söyləyib və şəhidlərə həsr etdiyi kitabını şəhidin valideynlərinə təqdim edib.
Namiq MƏMMƏDLİ
Sabaha-inamla.az

              



















Baxış sayı: 605


Bölməyə aid digər xəbərlər