Şəhid Nicat Qarazadə İkinci Fəxri xiyabanda dəfn edildi - Fotolar
Tarix: 17-09-2022 19:07 | Bölmə: Reportaj

Şəhid Nicat Qarazadə İkinci Fəxri xiyabanda dəfn edildi



Sentyabr 12-dən-13-ə keçən gecə erməni silahlı qüvvələrinin təxribatı nəticəsində şəhid olan əsgər 2002-ci il təvəllüdlü Qarazadə Nicat Malik oğlunun nəşi yaşadığı Abşeron rayonu, Ceyranbatan qəsəbəsinə gətirilib.
“Qafqazinfo” APA-ya istinadən xəbər verir ki, şəhidin vida mərasimi yaşadığı evdə baş tutub.
Mərasim iştirakçıları şəhidi “Qarabağ Azərbaycandır”, “Şəhidlər ölməz, Vətən bölünməz” şüarları səsləndirərək son mənzilə yola salıblar.
Mərasimdə şəhidin yaxınları, rayon rəhbərliyi, hərbçi yoldaşları və ictimaiyyət nümayəndələri iştirak edib.
Vida mərasimindən sonra şəhidin nəşi dəfn olunmaq üçün İkinci Fəxri xiyabana yola salınıb və burada dəfn olunub. Dəfn mərasimində şəhidin ailə üzvləri, döyüş yoldaşları və ictimaiyyət nümayəndələri iştirak ediblər.
Qeyd edək ki, Nicat Qarazadə ailənin dördüncü şəhididir.
2002-ci il təvəllüdlü şəhid əsgər Qarazadə Nicat Malik oğlu Yardımlı rayon Zənrgənə kənd sakini olub.
Xatırladaq ki, Ermənistan Silahlı Qüvvələrinin son üç gün ərzində törətdiyi təxribatlar nəticəsində 79 hərbçimizin şəhid olduğu açıqlanıb.













Baxış sayı: 55


Bölməyə aid digər xəbərlər