Abdin Fərzəliyev Güzdək qəsəbə sakinləri və şəhid ailələri ilə görüşüb - Fotolar
Tarix: 11-03-2022 22:06 | Bölmə: Reportaj

                 Abdin Fərzəliyev Güzdək qəsəbə sakinləri və şəhid ailələri ilə görüşüb



Abşeron Rayon İcra Hakimiyyətinin başçısı Abdin Fərzəliyev rayonun Güzdək qəsəbə sakinləri ilə görüşüb.  
“Qafqazinfo” xəbər verir ki, görüşdə rayonun hüquq-mühafizə orqanlarının, xidmət təşkilatlarının rəhbərləri və kənd sakinləri iştirak edib.
İştirakçılar əvvəlcə şəhid Turabov Rüstəm Fərman oğlunun xatirəsinə ucaldılan Abidə Bulaq Kompleksini ziyarət edib, baralyefi önünə çiçəklər düzərək ruhuna dualar oxuyub, ehtiramla yad ediblər.
RİH başçısı Abdin Fərzəliyev daha sonra şəhid ailələri ilə görüşüb və Güzdək qəsəbə tam orta məktəbdə təhsil alan Vətən Müharibəsi şəhidlərinin övladlarının təhsili, qayğıları və problemləri ilə maraqlanıb.
Qəsəbə sakinləri ilə baş tutan görüşdə Abdin Fərzəliyev çıxış edərək bildirib ki, bu səpkili səyyar-qəbullar bundan sonra mütəmadi olaraq keçiriləcək və sakinlər tərəfindən qaldırılan problemlərin həlli istiqamətində müvafiq tədbirlər həyata keçiriləcək.
Daha sonra kənd sakinləri çıxış edərək qəsəbə ərazisində elektrik dirəklərinin və transformatorların köhnə olması səbəbindən elektrik enerjisinin təminatında tez-tez fasilələrin olduğunu, kəndin yeni salınan məhəllələrinə telefon və qaz xəttlərinin çəkilməsində, içməli suyun verilməsində, daxili küçələrin abadlaşdırılmasında və qəsəbənin marşrut xəttlərindəki mövcud avtobusların sayının artırılmasında köməklik göstərilməsini xahiş ediblər.
Sakinlər tərəfindən qaldırılan məsələlərin mümkünləri yerindəcə həll olunuş, müəyyən vaxt və vəsait tələb edən digər məsələlərin həlli istiqamətində isə müvafiq tapşırıqlar verilib.
RİH başçısı yekun nitqində qeyd edib ki, Abşeron Rayon Yol İstismar İdarəsi Yaradılacaq və hazırda daxili yolların abadlaşdırılması istiqamətində proqramlar işlənilir. Bu proqrama əsasən ilkin növbədə kənd və qəsəbələrdə şəhidlərimizin adlarını daşıyan küçələr və eləcə də əsas yollar abadlaşdırılacaq.








Baxış sayı: 107


Bölməyə aid digər xəbərlər