Sumqayıt məktəbində şəhidin doğum günü qeyd olundu-Ona həsr olunmuş kitab tədbir iştirakçılarına paylandı-VİDEOLAR+FOTOLAR
Tarix: 19-02-2022 02:32 | Bölmə: Reportaj


   Sumqayıt şəhərində şəhidlik zirvəsinə ucalmış Ramil Quliyevin doğum günü keçirilib.
             
             
             
   Öncə şəhidin məzarı ziyarət olunub, oxuduğu 35 nömrəli tam orta məktəbin direktoru Nüşabə xanım, müəllimi Rəna Mustafayeva və 4c sinif şagirdləri Şəhidlər xiyabanını ziyarət ediblər, şəhidin məzarı önündə şeir söyləyiblər. 
             
             
             
             
41 nömrəli tam orta məktəbdə davam edən tədbirdə məktəbin şagirdləri şeir söyləyib, rəqs edib,mahnı oxuyublar.Eləcədə tanınmış meyxanaçı Ehtiram Hüseynov şəhidə həsr olunmuş mahnı,müğənni Rusalan Əkbərov isə vətənpərvərlik mövzusunda mahnı ifa edib.
Sonra Şair Elbrus Qayalı şəhidə həsr etdiyi şeirini söyləyib,şair Vaqif Rəsul isə şəhidə həsr etdiyi "Gözlə məni, anam mənim" kitabı barədə danışıb.Və sözügedən kitab tədbir iştirakçılarına paylanıb. 

             
             
             
                       
   Tədbirdə şəhid ailələri, qazilər, İcra Hakimiyyətinin nümayəndələri, ictimayyət nümayəndələri, şairlər,jurnalistlər, sənət adamları iştirak ediblər.
    Sonda xatirə şəkili çəkdiriblər.  
                      
                      
                      
Quliyev Ramil Elşən oğlu 18 fevral 1991-ci ilin Qubadlı rayonunda dünyaya gəlib. 1997-ci ildə Sumqayıt şəhər 14 nömrəli tam orta məktəbin 1-ci sinfinə daxil olub. 2000-ci ildən təhsilini Sumqayıt şəhər 35 saylı tam orta məktəbində davam etdirib və 2008-ci ildə həmin məktəbin məzunu olub.
                       
Ali təhsilini Ukraynada almışdır. O, 2011-ci ildə Kiyevdə Personalın İdarəetməsinin Regionlararası Akademiyası (MAUP)-nın menicment fakultəsinə daxil olmuş və 2015-ci ildə bitirmişdir. 2015-ci ilin iyul ayında hərbi xidmətə getmiş, hərbi xidmətdə baş atıcı olmuşdur. Hərbi xidmətdə olduğu müddətdə Lələtəpə uğrunda gedən döyüşlərdə iştirak etmişdir və 2016-cı ilin iyul ayında hərbi xidmətini bitirmişdir. Bundan sonra bir neçə özəl şirkətdə çalışmışdır. Qismən səfərbərlik elan ounduqda könüllü olaraq ərizə ilə müraciət etmişdir. 29 sentyabırda müharibəyə gedir. Əsgər yoldaşlarının dediyinə görə Ramil müharibədə çox verilən tapşırıqları uğurla yerinə yetirmişdir.                               
                        
10 oktyabr...Hadrut uğrunda gedən döyüşlərdə verilən tapşırığı yerinə yetirərkən düşmənin snayper gülləsi ilə vurularaq qəhrəmancasına şəhidlik zirvəsinə ucalır. 12 gün neytral zonada qalır, Ülvi adlı əsgər yoldaşı onu 4 kilometr çiynində daşıyaraq arxa cəbhəyə təhvil vermişdir. Oktyabrın 22-də dərin etiramla Sumqayıtda Şəhidlər Xiyabanında canı qədər sevdiyi torpağa tapşırılır.
             
             
Ali Baş Komandan İlham Əliyev ölümündən sonra Quliyev Ramil Elşən oğlu ölümündən sonra “Vətən uğrunda” medalı, “Xocavəndin azad olunmasına görə” medalı ilə təltif olunmuşdur.   
 Yaşadığı Sumqayıt şəhəri 18 mikrorayon ev 1 a saylı binanın qarşısında xatirəsini əbədiləşdirmək üçün  abidə bulaq kompleksi tikilib.  
                       
                       
                       
Qeyd edək ki, şəhidin adını daşıyan abidə kompleksi əmisi oğlanları Səid Quliyevin və Xalid Quliyevin şəxsi vasaitləri hesabına tikilib.
Namiq MƏMMƏDLİ
Sabaha-inamla.az





















Baxış sayı: 281


Bölməyə aid digər xəbərlər