11:39 / 13-08-2022
Tramp həbs oluna bilər
Qaradağda şəhid Tural Həsənov anıldı - Foto
Tarix: 30-12-2021 22:23 | Bölmə: Reportaj

                      Qaradağda şəhid Tural Həsənov anıldı


Bu gün şəhidimiz Həsənov Tural Rauf oğlunun anım günüdür.
“Qafqazinfo” xəbər verir ki, əslən Laçın rayonu Mişni kəndindən olan bu gənc oğlan hamının hörmətini qazanıb.
Həsənov Tural Rauf oğlu 1997-ci il iyun ayının 15-də Qaradağ rayonunun Sahil qəsəbəsində anadan olub.
2003-cü ildən Qaradağ rayonunun Ümid qəsəbəsindəki 294 saylı orta məktəbin 1-ci sinfinə gedib. 2014-cü ildə həmin məktəbi bitirib və elə həmin il Lənkəran Dövlət Universitetinin İngilis dili (tərcüməçi) fakültəsinə qəbul olub. 2018-ci ildə həmin universitetdən məzun olub.
2018-ci il iyul ayı çağırışı ilə hərbi xidmətə gedib, 2019-cu il iyul ayında hərbi xidmətdən tərxis olunub. 2020-ci il sentyabr ayının 21-də Tural Səfərbərlik xidmətinin çağırışı ilə hərbi xidmətə gedib. 2020-ci il dekabr ayının 30-da Xocavənd yolunda xidməti maşınlarında minaya düşərək şəhid olub. Tural Füzuli, Cəbrayıl və Şuşanın azad olunmasına görə medalları ilə təltif olunub.
Şəhidin ildönümündə Qaradağ rayon İcra Hakimiyyətinin başçısı, Rayon Polis İdarəsinin rəisi, İcra Hakimiyyətinin məsul şəxsləri, Səfərbərlik və Hərbi Xidmətə Çağırış üzrə dövlət Xidmətinin Qaradağ rayon İdarəsinin zabitləri, Şəhidin ailəsi və yaxınları şəhidin məzarını ziyarət etmiş məzarı üzərinə əklil qoyub. Daha sonra Şəhidin anım gününə həsr olunmuş tədbirdə iştirak edib.





Baxış sayı: 222


Bölməyə aid digər xəbərlər