Bütün xəbərlər
Şəhidin komandiri: "Aydın çox mərd, dürist, qeyrətli Vətən oğlanlarımızdan biri idi"
Tarix: 29-11-2021 12:57 | Bölmə: Reportaj

Sumqayıtda şəhidlik zirvəsinə ucalmış Aydın əliyevin ildönümü keçirilib.
Tədbirdə şəhid ailələri, qazilər, Sumqayır şəhər İcra Hakimiyyətinin başçısı Zakir Fərəcov, məsul şəxslər, ictimayyət nümayəndələri, ziyalılar, jurnalistlər iştirak ediblər.
Əliyev Aydın Nəriman oğlu 9 yanvar 1991-ci il Sumqayıt şəhərində anadan olub. Azərbaycan Ordusunun əsgəri olan Aydın Əliyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində iştirak edib.


Cəbrayılın, Füzulinin, Xocavəndin azadlığı uğrunda gedən döyüşlərdə vuruşmuşdur. Aydın Əliyev 7 noyabr 2020-ci ildə Füzuli istiqamətində gedən döyüşlərdə döyüş tapşırığının yerinə yetirilməsi zamanı yaralanıb. 21 gün komada qalıqdan sonra noyabın 28-də şəhid olub.Sumqayıt şəhidlər xiyabanında dəfn edilib.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatıldığı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Aydın Əliyev ölümündən sonra "Vətən uğrunda" medalı ilə təltif edilib.
Azərbaycanın Füzulinin rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Aydın Əliyev ölümündən sonra "Füzulinin azad olunmasına görə" medalı ilə təltif edilib.
                        
Azərbaycanın Cəbrayıl rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.12.2020-ci il tarixli Sərəncamına əsasən Aydın Əliyev ölümündən sonra "Cəbrayılın azad olunmasına görə" medalı ilə təltif edilib.
                         

Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Aydın Əliyev ölümündən sonra "Xocavəndin azad olunmasına görə" medalı ilə təltif edilib.
Azərbaycan ərazilərinin işğaldan azad olunması zamanı döyüş tapşırıqlarını yerinə yerinə yetirən zaman mərdliyin və igidliyin göstərilməsinə görə Azərbaycan Prezidenti İlham Əliyevin 18.12.2020-ci il tarixli Sərəncamına əsasən Aydın Əliyev ölümündən sonra "İgidliyə görə" medalı ilə təltif edilib.
Namiq MƏMMƏDLİ

Sabaha-inamla.az


Sabaha-inamla.az tədbirdən çəkilən videoları və fotoları təqdim edir:
           











Baxış sayı: 661


Bölməyə aid digər xəbərlər