Bütün xəbərlər
Şəhidin dayısı: "O deyirdi ki, Vətən, torpaq yolunda ölənə kimi vuruşacam"-VİDEOLAR+FOTOLAR
Tarix: 16-11-2021 23:03 | Bölmə: Reportaj
                      
    Sumqayıtda şəhidlik zirvəsinə ucalmış Təbriz Alməmmədovun baralyefinin açılışı və anım günü olub.
             

Tədbirdə şəhid ailələri, qazilər, Sumqayıt şəhər İcra Hakimiyyətinin başçısı Zakir Fərəcov və məsul şəxslər, ictimayyət nümayəndələri, ziyalılar, jurnalistər iştirak ediblər.
             

    Tədbir iştirakçıları əvvəlcə şəhidin Sumqayıt Şəhidlər Xiyabanındakı məzarını ziyarət ediblər. Sonra onun yaşadığı binanın önündə baralyefinin açılışı olub.
             

    Daha sonra şəhidin şərəfinə şadlıq sarayında ehsan süfrəsi verilib, tədbir musiqi, şeir sədaları ilə davam etdirilib.
             

    General-mayor Natiq Qarayev ölkə Prezidentinin sərəncamı ilə təltif olunan "İgidliyə görə" medalını şəhidin valideyninə təqdim edib.
                       
    Sabaha-inamla.az həmin tədbirdən çəkilən videoları və fotoları təqdim edir:
                     

    Təbriz Letman oğlu Alməmmədov 1995-ci il noyabrın 28-də Sumqayıt şəhərində anadan olub.
     Azərbaycan Ordusunun əsgəri olan Təbriz Alməmmədov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Şuşanın azadlığı uğrunda gedən döyüşlərdə savaşıb. Təbriz Alməmmədov noyabrın 7-də Şuşa döyüşləri zamanı şəhid olub.
             

      Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Təbriz Alməmmədov ölümündən sonra "Vətən uğrunda" medalı ilə təltif edildi.
             

    Azərbaycanın Qubadlı rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Təbriz Alməmmədov ölümündən sonra "Qubadlının azad olunmasına görə" medalı ilə təltif edildi.
     Azərbaycanın Şuşa rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Təbriz Alməmmədov ölümündən sonra "Şuşanın azad olunmasına görə" medalı ilə təltif edildi.


Namiq MƏMMƏDLİ
Sabaha-inamla.az










































Baxış sayı: 613


Bölməyə aid digər xəbərlər