Bütün xəbərlər
142 nömrəli məktəbdə möhtəşəm Zəfər Günü tədbiri keçirildi
Tarix: 05-11-2021 00:06 | Bölmə: Reportaj

    Sabunçu rayonu Telman İsgəndərov adına 142 nömrəli tam orta məktəbin " Fəaliyyət planı"nin 1.5.14 - cü bəndinə əsasən "8 noyabr Zəfər Gününə həsr olunmuş böyük tədbir keçirildi.
   Tədbiri giriş sözü ilə məktəbin direktoru, Azərbaycan Respublikasının əməkdar müəllimi Gülnaz Abdullayeva açdı. Azərbaycan Respublikasının Dövlət himni səsləndi.
Çıxış edən Gülnaz Abdullayeva Azərbaycanın öz torpaqlarını işğaldan azad etmək üçün apardığı 44 günlük Vətən müharibəsi və bu müqəddəs savaşda qazandığı möhtəşəm qələbənin ölkəmizin tarixinə qızıl hərflərlə yazıldığını qeyd etdi:"Qanları - canları ilə şanlı tarix yazan müqəddəs şəhidlərimizin, igid qazilərimizin şücaəti dillərdə dastan oldu. Xalqımızın yenilməzliyi, sarsılmaz iradəsi, möhkəm birliyi dünyanı mat qoydu. Bu möhtəşəm zəfər 44 gün boyunca dəmir yumruq kimi birləşmiş bütün Azərbaycanın zəfəridir. Bu zəfərdə inkaredilməz və müqayisəsiz faktor da var. Azərbaycan Respublikasının prezidenti , Müzəffər Ali Baş Komandan İlham Əliyev faktoru . Müharibə dövrünün ən böyük , ən ağır yükü ordumuzla bərabər Prezidentin çiyinlərində idi. " Dəmir yumruq" sahibi olan dövlət başçımız " dəmir məntiqi" ilə də döyüşürdü, siyasət meydanında döyüşürdü".
  Tədbirdə şair Səxavət Qarabağlı çıxış edərək Ali Baş Komandana həsr etdiyi şeiri oxudu.
  Tədbirin bədii hissəsində 2c, 3b, 4c, 4ç fəallıq göstərdilər . Onlar vətənə, orduya, qələbəyə həsr olunmuş şeirlər soyləyib mahnılar oxudular.

Namiq MƏMMƏDLİ
Sabaha-inamla.az















Baxış sayı: 1 536


Bölməyə aid digər xəbərlər