Şəhidin komandiri :"Biz şəhid anaları qədər onların dərdini çəkə bilmərik, onlar qədər üzülə bilmərik"-VİDEO-Sabaha-inamla.az-da
Tarix: 13-10-2021 03:31 | Bölmə: Reportaj

Sumqayıtda şəhidlik zirvəsinə ucalmış İzzət Həmidovun ildönümü mərasimi keçirilib.

Mərasimdə şəhər İcra hakimiyyətinin rəhbər şəxsləri, şəhid ailələri, ictimayyət nümayəndələri, ziyalılar, jurnalistlər, sənət adamları, qazilər,şəhidin döyüş yoldaşları iştirak ediblər.
İzzət Rövşən oğlu Həmidov 28 fevral 2000-ci ildə doğulub. 2020-ci il oktyabrın 9-da Füzulinin Alıxanlı kəndi istiqamətində gedən döyüşlərdə şəhidlik zirvəsinə ucalıb. O, bu zaman bir ilin əsgəri olub.
                       
Şəhidimizin anası Vəfa İsmayılova oğlu ilə bağlı xatirələrini bizimlə bölüşüb. 3 oğul anası olduğunu bildirən Vəfa xanımın sözlərinə görə, İzzət onların ən böyüyü olub.
                         
“İzzət həm də ən ağıllı oğlum idi. 12 yaşına kimi rəqqas idi, telekanallara da dəvət edirdilər. Bir az böyüyəndən sonra rəqsdən uzaqlaşdı. Eyni zamanda, uşaqlıqdan futbol həvəskarı idi. Bakının AZAL klubununun aşağı yaş qrupunda çıxış edirdi. İzzət əsgərliyə könüllü gedib. Çünki uşaqlıqdan böyrəyində, ayağında problem var idi deyə, hərbi xidmətə yararlı deyildi.
                         
Buna görə dövlət tərəfindən oğluma aylıq müavinət də verilirdi. Amma oğlum hərbi xidmətə getmək üçün həmin müavinətdən imtina etdi. Bir il hərbi komissarlığa gedib inad etdi ki, məni əsgərliyə aparın. Deyirdi ki, hərbi formanı geyinmək ən böyük arzumdur. Böyrəyindəki problemə görə oğlumdan xahiş etdim ki, futboldan uzaqlaşsın. Sonra AAFF Parkda lahmacun-pizza ustası kimi işləməyə başladı. İki ildən çox orada işlədi. Şəhid Cəbrayıl Dövlətzadə ilə bir yerdə işləyirdilər, dost idilər. Cəbrayıl da orada aşpaz idi".
             

"Vətən uğrunda" medalı

"Azərbaycan Bayrağı" ordeni"Füzulinin azad olunmasına görə" medalı (ölümündən sonra) ilə təltif olunub.

Namiq MƏMMƏDLİ

Sabaha-inamla.az

                  




















Baxış sayı: 268


Bölməyə aid digər xəbərlər