Sumqayıtda şəhid ailəsi ziyarət olundu-VİDEO
Tarix: 01-08-2021 16:27 | Bölmə: Reportaj

31 iyul 2021-ci il tarixdə "ƏDALƏT İŞIĞINDA" Ədəbi Məclisində Azərbaycanımızın dəyərli söz ustaları ilə görüşümüz oldu. Dəyərli yazar və şairlərimizdən AYB və AJB-nin üzvü, Prezident Mükafatçısı, "Yurd" Ədəbi-bədii, elmi-publisistik Jurnalının Baş Redaktoru Balayar Sadiq, AJB-nin üzvü Miraslan Rasim, özü Türkiyədə olsa da, məclisimizə onlayn qoşulan


dəyərli şair və yazarımız AYB və AJB-nin üzvü Xaqani Abbasali Öztürk, şairlərdən Əliyar Mərdiyev, AYB-nin, AJB-nin üzvü Mədaxil Cavadlı, Vaqif Rəsul, Aygün Fikrətqızı, Sevinc Murad, Yeganə Cəsur, Sabaha-inamla.az xəbər portalının Baş Redaktoru, AJB-nin üzvü Namiq Məmmədli, Hidayət Qarabulaq, müğənni-qiraətçi Sevinc Süleymanzadə və AJB-nin üzvü, "Yurd" Ədəbi-bədii, elmi-publisistik Jurnalının redaktoru Ədalət Qafarov (Əroğlu) Ədəbi Məclisdə çıxış etdi. Tədbirdə iştirak edən Məclisin gənc qiraətçiləri Şəbnəm Hümbətli Muhammed və Yusif şairlərin yeni şeirlərindən səsləndirdilər.
                       

Məclisin davamını "ƏDALƏT İŞIĞINDA" Ədəbi Məclisin üzvi şəhid anası, şairə Maisə Səbuhinin evində Şəhid Səbuhi Həsənquliyevin xatirəsinin anması ilə əlaqələndirildi.
Səbuhi Əlixan oğlu Həsənquliyev 2002-ci il 11 apreldə Ucar rayonunun Boyat kəndində doğulmuşdur. Daha sonra o, ailəsi ilə birlikdə Sumqayıt şəhərinə köçmüşdür. Orta məktəbdə təhsil aldığı illərdə bir sıra idman növləri ilə məşğul olan Səbuhi Həsənquliyev 2020-ci ilin iyulunda hərbi xidmətə yollanıb. Beyləqan, Füzuli, Cəbrayıl, Hadrut və Şuşada döyüş yolu keçən Səbuhi 2020-ci ilin 8 noyabrında Şuşa uğrunda döyüşlərdə qəhrəmancasına şəhid olub. Şəhadətindən sonra, “Cəbrayılın azad olunmasına görə”, “Vətən uğrunda”, “Füzulinin azad olunmasına görə”,  “Şuşanın azad olunmasına görə” və digər medallar ilə təltif olunub. O, Sumqayıt şəhərində Şəhidlər Xiyabanında dəfn olunub.

Sonra "ƏDALƏT İŞIĞINDA" Ədəbi Məclisinin kollektivi şəhid anası şairəmiz Maisə Səbuhinin evində qəhrəman şəhidimiz Səbuhi Həsənquliyevi anmaq üçün toplaşdılar. Orda bir çox şəhidlərimizə həsr olunmuş şeirlər səsləndirildi. Allahdan Şəhidlərimizə Rəhmət dilədilər, qazilərimizə isə şəfa.

Qeyd edək ki, Mübarizlər, Fəridlər Qrupunun rəhbəri Əziz Əzizov, Onun müavinləri Vətən Müharibəsi qazisi, gizir-kəşfiyyatçi Tacətdinli Elməddin, Milli Qehrəman Tofiq Hüseynovun nəvəsi Ləman Həsenova, həmin qrupun üzvü, vetənpərvər-gənc  Anar Rzayev də həmin tədbirdə olublar və şəhid haqqında öz ürək sözlərini söyləyiblər.
Sonda Ədalət Əroğlu yeni çapdan çıxmış “Oyanan Ruhlar...”, “Sözün yurd ağrısı”, “İçimizdə yurd adlı yaramız var” və “Turan harayı” şeirlər kitablarını Şəhidimizin Ata-anasına, tədbir iştirakçılarına hədiyyə etdi, xatirə şəkilləri çəkdirdilər.
Sabaha-inamla.az


























Baxış sayı: 678


Bölməyə aid digər xəbərlər