Sumqayıtda Milli Qəhrəman Polad Həşimovun xatirəsinə həsr edilmiş mini-futbol üzrə turnir keçirildi
Tarix: 23-07-2021 19:28 | Bölmə: Reportaj


Sumqayıt şəhər Gənclər və İdman Baş İdarəsi və Sumqayıt Regional “ASAN xidmət” Mərkəzinin birgə təşkilatçılığı ilə 22-23 iyul 2021-ci il tarixlərində “Kapital Bank Arena”da mövcud pandemiya qaydalarına uyğun olaraq Şəhid general-mayor Polad Həşimovun xatirəsinə həsr edilmiş mini-futbol üzrə gənclər təşkilatları arasında şəhər turniri keçirilmişdir.
İlk öncə torpaqlarımızın ərazi bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edilmişdir.
Turnirin keçirilməsində məqsəd 44 günlük Qarabağ Vətən müharibəsinin, şəhid general-mayor Polad Həşimovun şərəfli döyüş yolunun, Azərbaycan tarixinin, ordu quruculuğunun, gənclər arasında fiziki aktivliyin, vətənpərvərlik ruhunun aşılanması, basketbol idman növünün şəhərdə təbliği, dostluq əlaqələrinin yaradılması və sağlam həyata təşfiqi olmuşdur.
Yarışda Sumqayıt və Bakı Regional Asan Xidmət Mərkəzlərini, habelə Sumqayıt şəhərinin müxtəlif sahələrini təmsil edən 16-29 yaşlı gənc könüllülərdən ibarət 7 komandası iştirak etmişdir.
Gərgin və maraqlı idman mübarizəsi şəraitində keçən turnirdə Sumqayıt Gəncləri üçün Karyera və İnkişaf mərkəzinin komandası birinci, Sumqayıt Regional “ASAN xidmət” və Bakı Regional “ASAN xidmət” mərkəzlərinin komandaları isə müvafiq olaraq ikinci, üçüncü yerə layiq görülmüşdür.
Yarışın qalib və mükafatçıları Sumqayıt şəhər Gənclər və İdman baş idarəsi və Sumqayıt Regional “ASAN xidmət” mərkəzi tərəfindən kubok, medal, fəxri fərman və hədiyyələrlə təltif edilmişdir.
Sabaha-inamla.az







Baxış sayı: 138


Bölməyə aid digər xəbərlər