Sumqayıtda “Soyqırımı tariximizi unutmadıq!” adlı mühazirə keçirildi
Tarix: 01-04-2021 00:02 | Bölmə: Reportaj

Sumqayıt şəhər İcra Hakimiyyətinin təşəbbüsü, şəhər Gənclər və İdman Baş İdarəsinin təşkilatçılığı ilə 31 Mart - Azərbaycanlıların soyqırımı günü ilə əlaqədar zoom internet platformasında “Soyqırımı tariximizi unutmadıq!” adlı onlayn mühazirə keçirilmişdir. Tədbirdə şəhərin müxtəlif idarə, müəssisələrini təmsil edən nümayəndələr, gənclər təşkilatları və ictimai-fəal gənclər iştirak etmişlər.
İlk öncə Azərbaycan torpaqlarının ərazi bütövlüyü uğrunda canlarından keçmiş şəhidlərin əziz xatirəsi bir dəqiqəlik sükutla yad edilmiş, iştirakçılara Baş İdarənin hazırladığı “Mart hadisələri” adlı video çarx nümayiş olunmuşdur.
Baş İdarənin rəisi Elgün Hümbətov tədbirdə çıxış edərək 1918-ci ildə Bakı və digər bölgələrdə ermənilər tərəfindən xalqımıza qarşı törədilən etnik təmizləmə, soyqırımı və təcavüzkar siyasət barədə məlumat vermiş, 1998-ci il martın 26-da Ulu Öndər Heydər Əliyevin "Azərbaycanlıların soyqırımı haqqında" imzaladağı fərmana əsasən hər il 31 Mart Azərbaycanlıların Soyqırımı günü kimi dövlət səviyyəsində qeyd edildiyini bildirmişdir. Qeyd olundu ki, Prezident cənab İlham Əliyevin rəhbərliyi və tapşırığı ilə ermənilər tərəfindən Azərbaycanlılara qarşı törədilmiş soyqırım hadisələrinin bütün dünyada tanıdılması istiqamətində əməli işlər aparılır. E.Hümbətov çıxışında Ali Baş Komandan İlham Əliyevin son 17 ildə həyata keçirdiyi güclü dövlət, güclü ordu, milli birlik strategiyanın tətbiqi ilə uzun illər işğal altında qalan ərazilərimiz “Dəmir yumruq” əməliyyatı ilə yağılardan təmizləndiyini xüsusilə qeyd etmişdir.
Digər çıxış edənlər Sumqayıt şəhərinin Tarix Muzeyinin kiçik elmi işçisi Zülfiyyə Fətəliyeva, 31 saylı tam orta məktəbin tarix müəllimi Raqif Şirinov və Sumqayıt Dövlət Universitetinin Tarix və Coğrafiya üzrə magistr Ceyhun Əsgərov müxtəlif dövrlərdə ermənilərin çirkin niyyətlərini reallaşdırmaq üçün törətdikləri soyqırımından, şovinist erməni siyasəti və acı nəticələrindən danışmışlar.


Sabaha-inamla.az





Baxış sayı: 122


Bölməyə aid digər xəbərlər