Bütün xəbərlər
Kəlbəcərə qayıtmağı gözləyən Ramazanovlar ailəsi “Əl-Cəzirə”də - VIDEO
Tarix: 16-11-2020 21:36 | Bölmə: Reportaj

                   Kəlbəcərə qayıtmağı gözləyən Ramazanovlar ailəsi “Əl-Cəzirə”də -VIDEO


“Əl-Cəzirə” telekanalı evlərinə qayıtmağı gözləyən kəlbəcərlilər və ermənilərin Kəlbəcərdə törətdiyi dağıntılar barədə reportaj hazırlayıb.
Unikal.org xəbər verir ki, kanalın müxbirləri Kəlbəcərdən olan Ramazanovlar ailəsinə baş çəkib. Reportajda bu ailənin Kəlbəcərin Azərbaycana qayıdışını qeyd etdiyi diqqətə çatdırılıb.
Ramazanovlar bildirib ki, bölgə onların həyatıdır. Onların şeirləri isə dağların və geniş ərazilərin xatirələrini dilə gətirir.
Bununla belə Gülçöhrə Ramazanova hazırda orada baş verənlərə baxanda təəssüf hissi keçirir. Belə ki, ermənilərin bir çoxu rayonu tərk etməzdən əvvəl evləri və məktəbləri yandırırlar.
“Kəndimdəki bütün evlər yandırılıb. Bu xainliyi görəndə ürəyim kədərdən az qalsın partlaya. Niyə? Siz bizim mebelli evlərimizə gəlmişdiniz, o evlər sizə aid deyildi”,- deyə Gülçöhrə bildirib.
1994-cü ildə bitən Birinci Qarabağ müharibəsi dövründə iştirak edən İrşad yerliləri Kəlbəcəri tərk etməyə məcbur edilən zaman yüzlərlə insanın köç zamanı necə həlak olduğunu xatırlayır:
“10 minlərlə insan bu yoldan keçmişdilər. Mən donub qalmış çoxlu insan görmüşdüm. İçində donmuş insanlarla birlikdə yolda qalan avtomobillər ... Bir çox insan donma səbəbindən amputasiyaya məruz qalmışdı”.
Telekanal xatırladıb ki, Azərbaycan hökuməti Ermənistan silahlı qüvvələrinə Kəlbəcəri tərk etmək üçün verilən müddəti 10 gün uzadıb. Azərbaycan ordusu öz mövqelərini möhkəmləndirsə də Rusiya sülhməramlılarının erməni döyüşçülərinin çıxarılmasını təmin edəcəyini gözləyir.
“Hazırda bu 3 rayonu tərk etmələri üçün erməniləri məcbur etmək bizim vəzifəmiz deyil. Bu, artıq sülhməramlı qoşunların vəzifəsidir. Onlar buna görə gəliblər. Bu, onların vəzifəsidir və biz bunu onlardan istəyəcəyik. Bu, bizim ehtiyat planımızdır”,- deyə Azərbaycan Müdafiə Nazirliyinin Beynəlxalq Hərbi Əməkdaşlıq İdarəsinin rəisi, general-mayor Hüseyn Mahmudov kanala müsahibəsində bildirib.
Reportaj zamanı Gülçöhrə Ramazanova müxbirlərə 10 illər boyu saxladığı evinin açarlarını göstərib.
Bildirilib ki, 30 ilə yaxın bir müddətdən sonra kəlbəcərlilər qayıtmaq üçün səbrsizlənirlər. Bununla belə sülhməramlıların rolu da daxil olmaqla, təmizlənmə əməliyyatı və infrastrukturun yenidən qurulması nəzərə alınsa, insanların evlərinə qayıtması aylar, hətta illər çəkə bilər.


Baxış sayı: 346


Bölməyə aid digər xəbərlər