Prezident Çavuşoğlunu qəbul etdi - Foto

Xəbər lenti

18:16 / 14-09-2026

İnsult keçirən turist vertolyotla tez bir zamanda təxliyə edildi

18:12 / 14-09-2026

Ukrayna Kanada tərəfindən zəmanət verilən 841 milyon dollarlıq maliyyə yardımı alacaq

18:08 / 14-09-2026

Almaniya Müdafiə Nazirliyi Litvadakı briqada üçün zorla əsgər toplayacaq

18:06 / 14-09-2026

İki NATO kəşfiyyat təyyarəsi patrul xidməti göstərir

18:03 / 14-09-2026

Politoloq Kazakov Vitkoff və Kuşnerin səfərinə reaksiyanı izah etdi

18:00 / 14-09-2026

Kallas: "Ukrayna sərhədində qatara edilən hücum Qərb ölkələrini qorxutmaq məqsədi daşıyır"

17:56 / 14-09-2026

Bir kişi yanğını görüb iki çoxuşaqlı ailəni fövqəladə vəziyyət barədə xəbərdar edib

17:52 / 14-09-2026

Metro stansiyası yaxınlığında bir qadını bıçaqlayan kişi saxlanılıb

17:49 / 14-09-2026

Bir qız süni ağac oyuğunda ilişib qalıb və xilasedicilər ona kömək ediblər

17:44 / 14-09-2026

Avtobus qəzasında doqquz nəfər yaralanıb

17:41 / 14-09-2026

Kafedə zəhərlənmədən sonra 23 nəfər xəstəxanaya yerləşdirilib

17:37 / 14-09-2026

Ər arvadını boğub

17:34 / 14-09-2026

Qazanxanada baş verən baş verən yanğında bir kişi və bir qadın həlak olub

17:31 / 14-09-2026

Polşa ordusuna hava məkanını pozan hər hansı bir şeyi vurmaq üçün icazə verildi

17:28 / 14-09-2026

Ağac yoldan keçənlərin üzərinə aşıb, bir nəfər yaralanıb

17:25 / 14-09-2026

Hollandiyada 150 sərnişin daşıyan qatar yük maşını ilə toqquşub

17:22 / 14-09-2026

FSB Ukraynadan qara bazara neçə silahın yol tapdığını hesablayıb

17:18 / 14-09-2026

Brüssel NABU qalmaqalı fonunda Kiyevə korrupsiyaya qarşı mübarizəni xatırlatdı

17:15 / 14-09-2026

"Cessna" təyyarəsi qəzaya uğrayıb, ölənlər var

17:09 / 14-09-2026

ABŞ Hörmüz boğazının gündə 10 milyon barelə qədər neft daşıdığını bildirib

17:04 / 13-09-2026

Əhdi həmin videosuna görə saxlanıldı

17:01 / 13-09-2026

Naməlum kişinin hücumundan sonra bir qız reanimasiyaya yerləşdirilib

16:58 / 13-09-2026

Uşakov Hindistanda keçirilən BRICS Zirvəsində Ukraynanın kimdən xatırlandığını açıqladı

16:55 / 13-09-2026

Rus turistləri daşıyan təyyarə Tunisdə qəzadan çətinliklə yayındı

16:52 / 13-09-2026

Litva üzərində PUA: NATO qırıcı təyyarəsi havaya qalxdı

16:50 / 13-09-2026

Ekspert keçmiş ABŞ Ordu Katibinin Ukrayna ilə bağlı mümkün planlarını açıqladı

16:48 / 13-09-2026

Vəkil keçmiş nazir Nikiforovun BƏƏ-dən Rusiyaya ekstradisiyasını istisna edib

16:45 / 13-09-2026

Selin Dionun altı ildən sonra ilk konserti Fransada baş tutdu

16:43 / 13-09-2026

Britaniya səfirliyinin təhlükəsizlik işçisi tədricən Ukrayna mədəniyyətinə qərq oldu

16:40 / 13-09-2026

Dəmir Yolu Stansiyasının rəisi Sankt-Peterburqda həbs edilib

16:36 / 13-09-2026

Yanğından altı uşaq xilas edildi

16:33 / 13-09-2026

Zelenski dünyanın ən nüfuzlu yəhudiləri arasında adlandırılıb

11:41 / 13-09-2026

İki kombayn yanğını baş verib

11:38 / 13-09-2026

Bir sıra zəlzələlər baş verdi

11:34 / 13-09-2026

Batmış bərədə 30-dan çox insan itkin düşüb

11:31 / 13-09-2026

Polşa Ukraynadakı Rusiya fəaliyyətinə görə hava qüvvələrini gücləndirdi

11:28 / 13-09-2026

Bir gündə on ayı öldürülüb

11:25 / 13-09-2026

Yava dənizində itkin düşən 243 sərnişini olan gəmi ilə əlaqə

11:22 / 13-09-2026

Çayda qayıqdan yıxılaraq xəsarət alıb

11:20 / 13-09-2026

Polis iki yeniyetməni vuran sürücünü axtarır

Bütün xəbərlər

Ən çox oxunanlar

Əhməd İsmayılov Media və Yayım Şurasının sədri təyin edildi

“100 min ayırıb kanatı öz qaynına çəkdirdin, camaatın balası öldü” - Video

“Təyyarənin şəxsi olduğunu iddia edənlər dövlətə müraciət etsinlər”

İpoteka və Kredit Zəmanət Fonduna yeni sədr təyin edildi

İlham Rəhimov nəvəsi Kəmalənin sərgisində - Video - Fotolar

Beyninə qan sızması və böyrək hidronefrozu ilə mübarizə aparan balaca Raula dəstək olaq!

“Çox yaxşı xatırlayıram, 13-14 yaşım var idi”

Əhdi həmin videosuna görə saxlanıldı

Vitkov və Kuşner Kiyevdə Zelenski ilə danışıqlara başladılar

Əlcəzair BƏƏ ilə diplomatik münasibətləri kəsir

Hikmət Hacıyev həmin kitabı vərəqləyərək erməni saxtakarlığını ifşa etdi - Video

Polşa hərbçiləri quş sürüsü ilə bağlı həyəcan təbili çaldı

Prezident Çavuşoğlunu qəbul etdi - Foto
Tarix: 01-11-2020 20:34 | Bölmə: Reportaj

Azərbaycan Prezidenti İlham Əliyev noyabrın 1-də Türkiyənin Xarici İşlər naziri Mövlud Çavuşoğlunun başçılıq etdiyi nümayəndə heyətini qəbul edib.
"Qafqazinfo" xəbər verir ki, bu haqda Prezidentin mətbuat xidməti məlumat yayıb.
***
Qonaqları salamlayan Prezident İlham Əliyev deyib:
- Xoş gəlmisiniz, hörmətli Mövlud bəy, əziz qonaqlar.
Sizi görməyimə şadam. Sizin səfəriniz bir daha Türkiyə-Azərbaycan həmrəyliyini göstərir. Müharibənin ilk günlərindən, ilk saatlarından başlayaraq Türkiyə bizim yanımızdadır. Əziz qardaşım, cənab Prezident dediyi kimi, Türkiyə hər zaman Azərbaycanın yanındadır, Azərbaycan tək deyil. Bu siyasi və mənəvi dəstək bu gün də davam edir. Həm hörmətli Prezident, eyni zamanda, Türkiyə Böyük Millət Məclisinin Sədri, siz - Xarici İşlər naziri, Müdafiə naziri və digər yüksəkvəzifəli şəxslər dəfələrlə Azərbaycana dəstək göstərmisiniz. Bu, bizi, Azərbaycan xalqını çox məmnun edir. Bu, bir daha göstərir biz bütün dövrlərdə - yaxşı günlərdə, çətin günlərdə bir-birimizin yanındayıq. Bu siyasi və mənəvi dəstək əlbəttə ki, bizi ruhlandırır və biz haqq işimizi davam etdiririk.
Bildiyiniz kimi, əməliyyat uğurla davam etdirilir. Bu günə qədər bir çox kəndlər, şəhərlər, qəsəbələr işğalçılardan azad edilibdir, o cümlədən Füzuli, Cəbrayıl, Zəngilan, Qubadlı şəhərləri. Ümumiyyətlə, təqribən 200-ə yaxın yaşayış məntəqəsi düşməndən azad edilib və bu, davam edir. Mən hər həftə azad edilmiş yeni şəhərlər və kəndlər haqqında məlumat verirəm və ümid edirəm ki, biz öz ərazi bütövlüyümüzü bərpa edəcəyik.
Mən bu müddət ərzində dəfələrlə bildirmişdim ki, biz istəyirik bu məsələ artıq danışıqlar masasında öz həllini tapsın. Ancaq Ermənistan buna imkan vermir, 3 dəfə elan edilmiş atəşkəsi kobudcasına pozmuşdur, o cümlədən Gəncəni ballistik raketlərlə bombalamışdır, ondan sonra Bərdə şəhərini bombalamışdır və çoxsaylı itkilərimiz olubdur. Bu, bir daha Ermənistanın qeyri-insani davranışını göstərir və onu göstərir ki, onlar sülh istəmirlər. Onlar istəyirlər ki, bu işğal əbədi olsun. Onlar bizim ordumuz tərəfindən azad olunmuş yaşayış məntəqələrini yenidən işğal etmək istəyirlər. Müharibənin davam etməsinin əsas səbəbi də məhz budur. Əgər Ermənistan artıq öz çirkin əməllərindən əl çəkərsə, o zaman atəşkəs təmin ediləcək və məsələnin həlli danışıqlar masasında olacaqdır.
Ancaq ümid edirəm ki, bu proses uzun sürməyəcək. Çünki biz 30 il gözləmişik. Biz istəyirik ki, Ermənistan silahlı qüvvələrinin işğal edilmiş digər torpaqlardan çıxarılması danışıqlar masası arxasında qısa müddət ərzində təmin olunsun. Əks təqdirdə, biz istənilən yolla öz ərazi bütövlüyümüzü bərpa etməyə davam edəcəyik və dediyim kimi, sona qədər gedəcəyik.
Ermənistan faktiki olaraq öz məğlubiyyətini etiraf edib. Bildiyiniz kimi, bu yaxınlarda Ermənistanın baş naziri Rusiya Prezidenti cənab Putinə məktub göndərmişdir. Bu məktub, əslində, məğlubiyyətin etirafıdır. Çünki Rusiyadan hərbi dəstək istənilmişdir, halbuki, buna heç bir əsas yoxdur. Azərbaycan öz hərbi əməliyyatlarını beynəlxalq birlik tərəfindən tanınmış Azərbaycan ərazisində keçirir, Ermənistan ərazisində hər hansı bir əməliyyat keçirilmir, bizim belə planlarımız da yoxdur. Əgər olsaydı, biz bunu bu ilin iyul ayında edərdik. Bildiyiniz kimi, o vaxt dövlət sərhədində Ermənistan bizə hücum etmişdir və biz dövlət sərhədini keçmədən Ermənistanı öz torpaqlarımızdan çıxartdıq. Ona görə bir tərəfdən, məğlubiyyəti etiraf edir, - bu məktubun göndərilməsi bunu göstərir, - digər tərəfdən, tam təslim olmaq istəmir. Bu gün müharibənin davam etdirilməsi və hər iki tərəfdən itkilərin olması Paşinyanın üzərinə düşən böyük məsuliyyət və çirkin əməllər nəticəsində baş verir. Bütün məsuliyyət Ermənistan tərəfindədir və bu məğlubiyyəti etiraf edib torpaqlarımzdan çıxsa, danışıqlar masası arxasında məsələnin çözülməsi ən məqbul variantdır. Bir sözlə, bu məsələnin həlli artıq baş verir. Mən demişdim ki, Azərbaycan BMT Təhlükəsizlik Şurasının qətnamələrini icra edir və təməl prinsiplərinin böyük hissəsini icra edibdir. Ümid edirəm ki, təməl prinsiplərinin qalan hissəsi də icra ediləcək və ölkəmizin ərazi bütövlüyü bərpa olunacaqdır.
Mən bu fürsətdən istifadə edərək, eyni zamanda, bu günlər ərzində bizə Türkiyə vətəndaşları, bizim qardaşlarımız tərəfindən göstərilən dəstəyə görə bütün qardaş Türkiyə xalqına təşəkkürümü bildirmək istəyirəm. Onlar mənə çoxsaylı məktublar göndərirlər, çox səmimi məktublardır və bu, bizim hamımızı duyğulandırır. Eyni zamanda, Türkiyənin media nümayəndələri də gecə-gündüz döyüş meydanlarında öz həyatlarını risk altına atırlar və bu görüntüləri dünya daha çox Türkiyə mediası vasitəsilə görür və bilir. Gəncənin, Bərdənin namərdcəsinə bombalanmasından sonra buraya ilk gələn bizim Türkiyədən olan qardaşlarımızdır. Ona görə bu, bir daha Türkiyə-Azərbaycan birliyini göstərir. Hər zaman mən əziz Qardaşımla bu barədə danışanda biz bilirdik ki, bu birlik sözdə deyil, əməldədir və bunu bu gün bütün dünya bilir. Bir daha xoş gəlmisiniz.
Mövlud Çavuşoğlu:
-Bizi qəbul etdiyiniz üçün çox təşəkkür edirəm, cənab Prezidentim.
Cənab Prezidentimizin təlimatı, tapşırığı ilə gəlmişəm. Hər gün özü ilə danışırsınız, ən azı gündə iki dəfə, amma yenə də Sizə salamlarını göndərdi. Prezidentimizin bizə bir tapşırığı var, bu prosesdə qardaş Azərbaycanı tək qoymayın və davamlı olaraq oraya - Bakıya gedin və birlikdə hərəkət edin. Müdafiə nazirimiz, digər yoldaşlarımız, Binəli bəy də gələcək, Məclis sədrimiz buradadır.
Biz Sizin döyüş meydanındakı qələbələrinizlə fəxr edirik. Bütün dünyaya türkün gücünü göstərdiniz, qürur duyuruq. İnşallah, öz əzəli torpaqlarımızı bu uğurlu əməliyyatlarla geri qaytaracağıq.
Qarabağ məsələsini, davam edən bu əməliyyatları vətəndaşlarımız çox yaxından izləyir və bizə daim “Azərbaycana daha çox dəstək verin, onu tək qoymayın”, - deyə xəbərdarlıqlar edirlər. “Bizi də cəbhəyə göndərin” deyən çoxları var. Əminəm ki, Sizə yazılan məktublarda da bunlar vardır.
Prezident İlham Əliyev: Bəli, bəli.
Mövlud Çavuşoğlu: Bütün bu üstünlüyə - həm döyüş meydanındakı üstünlüyə, həm hüquqi üstünlüyə, həm də haqlı olmağımıza baxmayaraq, atəşkəs məsələsində və danışıqlarda da özünə güvənən bir dövlət və millət kimi Sizin liderliyinizlə Azərbaycan güclü dövlət olduğunu bütün dünyaya göstərdi. Bunu anlayan var, anlamayan var, anlamaq istəməyən var.
Ermənistanın da nə etdiyini və atəşkəsi hər dəfə pozduğunu hər kəs görür. Amma bunu söyləmək istəməyən çoxdur, biz bunu bilirik. Bu səbəbdən də biz öz aramızdakı həmrəyliyi daha da gücləndirərək haqqımızı müdafiə etməkdə davam edəcəyik.
***
Dövlət başçısı Türkiyənin İzmir şəhərində zəlzələ zamanı həlak olanlarla bağlı bir daha başsağlığı verdi. Prezident İlham Əliyev Prezident Rəcəb Tayyib Ərdoğanın salamlarına görə minnətdarlığını bildirdi, onun da salamlarını Türkiyə dövlətinin başçısına çatdırmağı xahiş etdi.

Baxış sayı: 608