Bütün xəbərlər
Bakı Dövlət Universitetində deputat ilə onlayn görüş
Tarix: 04-09-2020 10:48 | Bölmə: Reportaj

Bakı Dövlət Universitetinin (BDU) Beynəlxalq münasibətlər və iqtisadiyyat fakültəsinin professor-müəllim heyəti və magistrantlarının iştirakı ilə Milli Məclisin Ailə, qadın və uşaq məsələləri komitəsinin sədri, professor Hicran Hüseynovanın onlayn görüşü keçirilib.
Sabaha-inamla.az xəbər verir ki, BDU-dan AZƏRTAC-a bildirilib ki, onlayn görüşdə Hicran Hüseynova “COVID-19 pandemiyasının beynəlxalq münasibətlərə təsiri: mövcud durum, çağırışlar, dövlətlərin və beynəlxalq təşkilatların bu istiqamətdə fəaliyyəti” mövzusunda məruzə ilə çıxış edib. Məruzədə pandemiya ilə mübarizədə dövlətlərin, beynəlxalq təşkilatların və Azərbaycanın bu istiqamətdə fəaliyyəti, virusa qarşı mübarizədən daha çox güc göstərişinə üstünlük verən Ermənistanın aqressiv və işğalçı mövqeyi, beynəlxalq hüquq normalarının pozulması haqqında ətraflı məlumat verilib. O, beynəlxalq təşkilatların, xüsusən BMT və Ümumdünya Səhiyyə Təşkilatının qlobal problemlə mübarizə istiqamətində gördüyü işlərdən danışıb.
Deputat pandemiya dövründə Azərbaycan Respublikasının regional və beynəlxalq müstəvidə atdığı addımlardan, Prezident İlham Əliyevin Azərbaycanın qlobal həmrəylik nümunəsi olmasını vurğulayan çıxışlarından, 30-dan çox ölkəyə humanitar yardım göstərilməsindən, bununla da ölkəmizin dünyada sülh və təhlükəsizlik carçısı olması kimi məqamlardan söz açıb.
Videobağlantıya qoşulan BDU-nun rektoru Elçin Babayev informasiya müharibəsi dövründə tələbələrin göstərdiyi xüsusi fəallığa diqqət çəkərək gənclərin bu fəaliyyətini yüksək qiymətləndirdiyini bildirib. Rektor informasiya təhlükəsizliyinin dövlətin mövcudluğunu təmin edən başlıca şərt olduğunu bildirərək bu sahənin daim cəmiyyətin diqqət mərkəzində olmasının vacibliyini onlayn tədbir iştirakçılarının diqqətinə çatdırıb.
Beynəlxalq münasibətlər və iqtisadiyyat fakültəsinin dekanı Zeynalabdin Həsənəliyevin moderatorluğu ilə keçən onlayn görüş diskussiya şəraitində davam edib.




Baxış sayı: 907


Bölməyə aid digər xəbərlər