Bütün xəbərlər
Uels azarkeşi İranla oyun zamanı dünyasını dəyişib
Tarix: 27-11-2022 00:37 | Bölmə: Karusel

Uels futbol komandasının azarkeşi 2022-ci il dünya çempionatı çərçivəsində komandasının İranla oyunu zamanı dünyasını dəyişib.

Sabaha-inamla.az rus mətbuatına istinadən xəbər verir ki,hadisə Əl-Rayyan şəhərində baş verib.
Britaniyanın "Daily Mail" nəşrinə görə, ölən kişinin 62 yaşı var idi, o, təbii səbəblərdən dünyasını dəyişib. Oğlu da onunla birlikdə Qətərdə idi.
Adam xəstələnəndə stadionda növbətçi tibb xidməti onun yanına çağırılıb. Təcili yardım maşını fanatı aparıb, lakin tibbi yardımın göstərilməsi kömək etməyib.
Uels Futbol Assosiasiyasının sədri Noel Muni deyib: "Tərəfdarlarımızdan birinin burada vəfat etdiyini eşitmək çox kədərlidir. Ailəsinə başsağlığı veririk və əlbəttə ki, əlimizdən gələni etmək üçün buradayıq".
Xatırladaq ki, Uels dünya çempionatının qrup mərhələsinin ikinci turunun matçında İrana uduzmuşdu. İranlı futbolçular əlavə vaxtda iki qol vuraraq qələbə qazanıblar.


Baxış sayı: 55


Bölməyə aid digər xəbərlər