Bütün xəbərlər
Türkiyə Daxili İşlər Nazirliyi: İstanbuldakı partlayışın arxasında Suriya kürdləri dayanır
Tarix: 14-11-2022 11:35 | Bölmə: Gündəm


Türkiyənin daxili işlər naziri Süleyman Soylu İstanbuldakı partlayışın arxasında Suriyadan olan Kürd Fəhlə Partiyasının (PKK) tərəfdarlarının olduğunu bildirib.

Sabaha-inamla.az rus mətbuatına istinadən xəbər verir ki,bu barədə bazar ertəsi Anadolu Xəbər Agentliyi məlumat yayıb.
“Təxminlərimizə görə, sifariş Kobanidən (Suriyanın şimalındakı şəhər), hücumu törədən isə Afrindən (Suriyanın şimal-qərbindəki şəhər) gəlib”, - Soylu bildirib.
O qeyd edib ki, müstəntiqlərin əlində olan dəlillər partlayışın Demokratik Birlik partiyası (PKK-nın Suriya qolu olan YPG-nin hərbi qanadı) tərəfindən təşkil edildiyini göstərir.
Partlayışdan dərhal sonra polis hadisədə əli olmaqda şübhəli bilinərək 21 nəfəri saxlayıb.
Xəbər verdiyimiz kimi, partlayış bazar günü İstanbulun mərkəzində, insanların sıx olduğu İstiqlal küçəsində baş verib. Bu, şəhərin ən populyar turizm bölgələrindən biridir. Rusiya konsulluğu bu küçədə yerləşir.
Türkiyə mətbuatının məlumatına görə, hadisə nəticəsində 6 nəfər ölüb, 81 nəfər yaralanıb.


Baxış sayı: 88


Bölməyə aid digər xəbərlər