Bütün xəbərlər
Mehriban Əliyevaya can sağlığı, xoşbəxtlik, səmərəli fəaliyyətində uğurlar arzu edirik!
Tarix: 26-08-2022 01:17 | Bölmə: Gündəm


Sabah Azərbaycan Respublikasının Vitse Prezidenti, Azərbaycanın 1-ci xanımı Heydər Əliyev fondunun prizdenti, UNESKO və İSESKO-nun xoşməramlı səfiri Mehriban xanım Əliyevanın doğum günüdür. Azərbaycan Mədəniyyətinin dünyada geniş təbliğ olunmasında,Azərbaycanın maddi-mədəniyyət abidələrinin dünyada tanınmasında misilsiz xidmətləri olan Mehriban xanım Əliyeva 1996-cı ildə Azərbaycan, İngilis və Rus dillərində çap olunan "Azərbaycan-İrs" jurnalının təsisçisidir. 2002-ci ildən Azərbaycan Gimnastika Federasiyasının Prezidenti olan Mehriban xanım Əliyevanın həyata keçirdiyi inkişaf strategiyası nəticəsində, hazırda Azərbaycanımızın 18 bölgəsində Gimnastika bölmələri fəaliyyət göstərir. Azərbaycan xanımının mənəvi zənginliklərini büsbütün özündə cəm edən sevimli xanım Azərbaycanımızın şifahi xalq ədəbiyyatının və muğamımızın qorunub saxlanılması və inkişaf etdirilməsində yorulmadan səy göstərir. Daima Azərbaycan torpağlarının azadlığı uğrunda şəhid olmuş oğulların ailələrinin yanında olan Mehriban Əliyeva Vətən müharibəsi qazilərinin "bacısı" sayılır. Geniş miqyaslı fəaliyyətinə görə bir sıra beynəlxalq təşkilatların fəxri mükafatlarına layiq görünən Mehriban Əliyeva, Ulu Öndər Heydər Əliyevin siyasi kursuna sadiqdir, hazırda Ulu Öndərin yaratdığı Yeni Azərbaycan Partiyasının sədr müavinidir. Azərbaycanın ictimai,sosial və mədəni həyatında fəal çalışan cəmiyyətin dinamik inkişafına yüksək töhvələr verən, Azərbaycan Mədəniyyətinin dünyada təbliği sahəsində əvəzsiz xidmət göstərən həmçinin ümümdünya mədəni irsinin saxlanması işinə hərtərəfli dəstək göstərən humanizm prinsiplərinə sadiq olan gözəl insanın sabah doğum günüdür. Bu münasibətlə onu ürəkdən təbrik edir, ona can sağlığı, xoşbəxtlik, səmərəli fəaliyyətində uğurlar arzu edirik!

Gülnaz Abdullayeva,
Azərbaycan Respublikasının əməkdar müəllimi


Baxış sayı: 235


Bölməyə aid digər xəbərlər